ഒരു രാത്രി കഴിഞ്ഞതോടെ, കോടിപതി; ഓണം ബമ്പർ അടിച്ച ഭാഗ്യവാൻ ഇതാണ്

ഓണം ബമ്പറിന്റെ രണ്ടാം സമ്മാനവും മൂന്നാം സമ്മാനവും കോട്ടയത്തിന് ആണ് ഇക്കുറി ലഭിച്ചിരിക്കുന്നത്. കോട്ടയം മീനാക്ഷി ലക്കിസെന്ററിൽ വിറ്റ TG 270912 എന്ന നമ്പരിനാണ് രണ്ടാം സമ്മാനം ലഭിച്ചിരിക്കുന്നത്. കോട്ടയം പാലായിലെ മീനാക്ഷി ലോട്ടറി ഏജൻസിയിൽ നിന്നാണ് ഈ ടിക്കറ്റ് വിറ്റു പോയിരിക്കുന്നത്. പാലായിലെ ഏജൻസി കൊല്ലം ജില്ലാ ലോട്ടറി ഓഫിസിൽ നിന്ന് എടുത്ത ടിക്കറ്റിനാണ് രണ്ടാം സമ്മാനമായ അഞ്ച് കോടി രൂപ ലഭിച്ചിരിക്കുന്നത്. ഭാഗ്യ ലക്ഷ്മി ലക്കി സെന്ററിൽ നിന്നെടുത്ത TD 545669 എന്ന നമ്പരിനാണ് മൂന്നാം സമ്മാനം അടിച്ചിരിക്കുന്നത്. ഒരു കോടി രൂപയാണ് ഈ ഭാഗ്യ ശാലിക്ക് ലഭിക്കുക. മൂന്നാം സമ്മാനം ലഭിച്ച മറ്റ് ഭാ​ഗ്യവാന്മാരെ കണ്ടെത്തിയിട്ടില്ല.

ഇത്തവണത്തെ ഓണം ബമ്പറിന്റെ വില 500 രൂപയായിരുന്നുവെങ്കിലും റെക്കോർഡ് വിൽപ്പനയാണ് ലഭിച്ചത്. 67 ലക്ഷം ടിക്കറ്റുകൾ അച്ചടിച്ചതിൽ ഭൂരിഭാഗം ടിക്കറ്റുകളും വിറ്റുപോയിരുന്നു. കഴിഞ്ഞ വർഷം 54 ലക്ഷം ടിക്കറ്റുകളായിരുന്നു വിറ്റഴിഞ്ഞത്. തൃപ്പുണ്ണിത്തുറ മരട് സ്വദേശി ജയപാലൻ ആയിരുന്നു കഴിഞ്ഞ വർഷത്തെ ഭാ​ഗ്യശാലി. 12 കോടിയായിരുന്നു കഴിഞ്ഞ വർഷത്തെ ഒന്നാം സമ്മാനം.