കല്‍പ്പറ്റ : ചിറയില്‍ കുളിക്കാനിറങ്ങിയ രണ്ട് വിദ്യാര്‍ത്ഥികള്‍ മുങ്ങിമരിച്ചു.
വയനാട്ടിലാണ് സംഭവം. ഗോവിന്ദന്‍ മൂലച്ചിറയില്‍ കുളിക്കാനിറങ്ങിയ കുപ്പാടി സ്വദേശി അശ്വിന്‍, ചീരാല്‍ വെള്ളച്ചാല്‍ സ്വദേശി അശ്വന്ത് എന്നിവരാണ് മരിച്ചത്.
ചിറയില്‍ കുളിക്കാനിറങ്ങിയ വിദ്യാര്‍ത്ഥികള്‍ ചുഴിയില്‍ അകപ്പെടുകയായിരുന്നു. മൂന്ന് പേരാണ് ചിറയില്‍ കുളിക്കാനിറങ്ങിയത്. രണ്ടുപേര്‍ അപകടത്തില്‍പ്പെടുകയും ഒരാള്‍ രക്ഷപ്പെടുകയുമായിരുന്നു.
സംഭവം അറിഞ്ഞെത്തിയ നാട്ടുകാര്‍ വിവരം ഫയര്‍ഫോഴ്‌സിലും പോലീസിലും അറിയിക്കുകയായിരുന്നു. തുടര്‍ന്ന് ഫയര്‍ഫോയ്‌സും നാട്ടുകാരും ചേര്‍ന്നാണ് മൃതദേഹം പുറത്തെടുത്തത്. ബത്തേരി സര്‍വ്വജന സ്‌കൂളിലെ പ്ലസ് വണ്‍ വിദ്യാര്‍ത്ഥികളാണ് ഇരുവരും.
സ്‌കൂള്‍ വിട്ട് അമ്പൂത്തി മലയിലെത്തിയ കുട്ടികള്‍ ചിറയില്‍ കുളിക്കാനിറങ്ങുകയായിരുന്നു. മൃതദേഹം പോസ്റ്റ്‌മോര്‍ട്ടത്തിനായി ബത്തേരി താലൂക്ക് ആശുപത്രിയിലേക്ക് മാറ്റി.
0 Comments