വിഷന്‍ 24; വോട്ട് നൽകാൻ പതിനേഴുകാരെ തേടിയിറങ്ങാനൊരുങ്ങി കോണ്‍ഗ്രസ്

കൊച്ചി : പാർലമെന്‍റ് തിരഞ്ഞെടുപ്പിന് മുന്നോടിയായി പതിനേഴുകാരെ തേടിയിറങ്ങാന്‍ കോണ്‍ഗ്രസ്. നിലവിലെ വോട്ടർപട്ടിക സ്ഥിരപ്പെടുത്തിയ ശേഷം അടുത്ത വർഷം വോട്ടർ പട്ടികയിൽ ഇടം ലഭിക്കുന്ന 17 വയസ്സുള്ളവരുടെ പട്ടിക തയ്യാറാക്കാനാണ് കോൺഗ്രസ് ആലോചിക്കുന്നത്. പാർലമെന്‍റ് തിരഞ്ഞെടുപ്പ് ലക്ഷ്യമിട്ട് പാർട്ടിയുടെ വിഷൻ 24 നേതൃയോഗത്തിൽ ഇതിനായി തയ്യാറെടുക്കാൻ ആവശ്യപ്പെട്ടിട്ടുണ്ട്. വോട്ടർപട്ടികയിൽ ഒരേ വീട്ടിലെ വോട്ടർമാരുടെ സീരിയൽ നമ്പറുകൾ തെറ്റാണെങ്കിൽ ആദ്യം തിരുത്തും.