കെഎസ്‌ആർടിസി ബസുകളിൽ പരസ്യം പാടില്ലെന്ന് ഹൈക്കോടതി; ടൂറിസ്‌റ്റ് ബസുകൾക്ക് വെള്ള നിറം തന്നെ

ഏകീകൃത നിറം നൽകുന്നതിന് സാവകാശം നൽകണമെന്ന ടൂറിസ്‌റ്റ് ബസ് ഉടമകളുടെ ആവശ്യം കോടതി തള‌ളി. എല്ലാ ടൂറിസ്‌റ്റ് ബസുകളും മൂന്ന് ദിവസത്തിനകം പരിശോധിക്കണമെന്നും ബസ് ഉടമകൾ പരിശോധനയുമായി സഹകരിക്കണമെന്നും കോടതി ആവശ്യപ്പെട്ടു. കടുത്ത നടപടി തന്നെ നിയമലംഘനങ്ങൾക്ക് മോട്ടോർ വാഹന വകുപ്പ് എടുക്കണമെന്നാണ് കോടതി നിർദ്ദേശിച്ചത്. ബസ് ഉടമകൾ സഹകരിച്ചില്ലെങ്കിൽ കോടതി അലക്ഷ്യ നടപടിയുണ്ടാകും. വടക്കഞ്ചേരിയിൽ സ്‌കൂൾ അധികൃതർ സുരക്ഷാമാനദണ്ഡം പാലിക്കാത്ത ബസാണ് ഉപയോഗിച്ചതെന്നും കോടതി വ്യക്തമാക്കി.