കനാലിൽ കുളിക്കാനിറങ്ങിയ രണ്ട് വിദ്യാർത്ഥികൾ മുങ്ങിമരിച്ചു

കുളിക്കുന്നതിനിടെ കനാലിൽ ഇരുവരും മുങ്ങിത്താഴുകയായിരുന്നു. സുഹൃത്തുക്കൾ ബഹളം വെച്ച് അറിയിച്ചതിനെത്തുടർന്ന്‌ ഓടിയെത്തിയ നാട്ടുകാരാണ്‌ ഇരുവരെയും കരക്കെത്തിച്ചത്‌. തുടർന്ന് തിരൂർ ജില്ലാ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.. മൃതദേഹം പോസ്റ്റുമോർട്ടത്തിനായി തിരൂർ ജില്ലാ ആശുപത്രി മോർച്ചറിയിലേക്ക് മാറ്റി.

മങ്ങാട് ഗവ.ഹൈസ്ക്കൂൾ ആറാം ക്ലാസ് വിദ്യാർഥിയാണ് ഹഷ്‌‌മിൽ. മാതാവ്: ആമിന. സഹോദരങ്ങൾ: അജ്‌മൽ ( ഗൾഫ്) , അൻഫാസ്. കാളാട് ഷറഫിയ ഇംഗ്ലീഷ് മീഡിയം സ്ക്കൂൾ ആറാംക്ലാസ് വിദ്യാർഥിയാണ് അജ്‌ലാൻ സിദീഖ്. മാതാവ്: സാബിറ, സഹോദരൻ: സിയാൻ സിദീഖ്.