അഞ്ച് സംസ്ഥാനങ്ങളിലെ അഞ്ച് നിയമസഭാ സീറ്റുകളിലേക്കും ഡിസംബര്‍ 5 ന് തിരഞ്ഞെടുപ്പ് നടക്കുമെന്ന് തിരഞ്ഞെടുപ്പ് കമ്മീഷന്‍ അറിയിച്ചു ( Assembly by-elections on December 5 ).
ഉത്തര്‍പ്രദേശ്, ഒഡീഷ, രാജസ്ഥാന്‍, ബിഹാര്‍, ഛത്തീസ്ഗഢ് എന്നിവിടങ്ങളിലെ നിയമസഭ സീറ്റുകളിലേക്കാണ് ഡിസംബര്‍ 5 ന് ഉപതിരഞ്ഞെടുപ്പ് നടക്കുന്നത്. ഉത്തര്‍പ്രദേശിലെ മെയിന്‍പുരി ലോക്സഭാ സീറ്റിലേക്കുള്ള ഉപതിരഞ്ഞെടുപ്പും ഇതേദിവസം നടക്കും. സമാജ് വാദി പാര്‍ട്ടി (എസ്.പി) സ്ഥാപക നേതാവ് മുലായം സിംഗ് യാദവ് 2022 ഒക്ടോബര്‍ 10 ന് അന്തരിച്ചതിനെ തുടര്‍ന്ന് ഈ സീറ്റ് ഒഴിഞ്ഞുകിടക്കുകയായിരുന്നു.
ഗുജറാത്ത് നിയമസഭ തിരഞ്ഞെടുപ്പിന്റെ രണ്ടാം ഘട്ടവും ഡിസംബര്‍ 5 നാണ് നടക്കുന്നത്. ഭാനുപ്രതാപ്പൂര്‍ നിയമസഭ സീറ്റിലേക്കുള്ള തിരഞ്ഞെടുപ്പും ഡിസംബര്‍ അഞ്ചിന് നടക്കും. കോണ്‍ഗ്രസ് എംഎല്‍എ മനോജ് സിംഗ് മാണ്ഡവിയുടെ മരണത്തെത്തുടര്‍ന്നാണ് ഇവിടെ ഉപതിരഞ്ഞെടുപ്പ് നടക്കുന്നത്. ഉപതിരഞ്ഞെടുപ്പുകളുടെ ഫലപ്രഖ്യാപനം ഡിസംബര്‍ എട്ടിനാണ് നടക്കുക. ഗുജറാത്ത്, ഹിമാചല്‍ നിയമസഭ തിരഞ്ഞെടുപ്പുകളുടെ ഫലപ്രഖ്യാപനവും ഡിസംബര്‍ എട്ടിനാണ്.
0 Comments