വാർത്തയ്ക്ക് പിന്നാലെ വിളിയെത്തി; അഞ്ചാലുംമൂട്ടിൽ കാണാതായ 13 കാരനെ കണ്ടെത്തി

അഞ്ചാലുംമൂട് : പ്രാക്കുളം ഹൈസ്കൂളിലെ എട്ടാം ക്ലാസ് വിദ്യാർഥിയെ കാണാതായതായ അഷ്ടമുടി ലൈവ് വാർത്തയ്ക്ക് പിന്നാലെ കുട്ടിയെ കണ്ടെത്തി. പ്രാക്കുളം പ്ലാമൂട്ടിൽ നകുലൻ മകൻ അദ്വൈത് (13 വയസ്) നെയാണ് ഇന്ന് ഉച്ചയോടെ കാണാതായത്. തുടർന്ന് ഈ വിവരം അഷ്ടമുടി ലൈവ് വാർത്തയാക്കുകയും പിന്നാലെ കായംകുളത്ത് നിന്ന് കുട്ടിയെ കണ്ടെത്തുകയും ആയിരുന്നു. സംഭവം സംബന്ധിച്ച് അഞ്ചാലുംമൂട് പോലീസ് അന്വേഷണം നടത്തുമെന്ന് സ്റ്റേഷനുമായി അടുത്ത വൃത്തങ്ങൾ അഷ്ടമുടി ലൈവിനോട് പറഞ്ഞു.