നായയുടെ കടിയേറ്റ 54കാരൻ നായയെ എടുത്ത് കിണറ്റിലെറിഞ്ഞു; ദയ തോന്നി രക്ഷിക്കാനിറങ്ങിയ ‘രക്ഷകനും’ കടിയേറ്റു

കൃഷ്ണവിലാസത്തിൽ 35കാരൻ രതീഷിനെയാണ് നായ കടിച്ചത്. ഇയാളും കോട്ടയം മെഡിക്കൽ കോളേജിൽ തന്നെ ചികിത്സ തേടിയെത്തി. തിങ്കളാഴ്ച രാവിലെ ആറരയോടെ മൈലാടിയിലായിരുന്നു സംഭവം. മേസ്തിരിപ്പണിക്കാരനായ രാജൻ രാവിലെ കടയിലേക്ക് പോകുമ്പോഴാണ് അയൽവാസിയുടെ നായ കുരച്ചുകൊണ്ട് പാഞ്ഞെത്തിയത്.

നായയെ ഓടിക്കാൻ ശ്രമിക്കുന്നതിനിടെ രാജന്റെ കൈയിൽ കടിക്കുകയായിരുന്നു. കടിച്ചുതൂങ്ങി കിടന്ന നായയെ രാജൻ ഉടനടി സമീപത്തെ കിണറ്റിലേയ്ക്ക് വലിച്ചെറിയുകയായിരുന്നു. ഇത് കണ്ട് നായയെ രക്ഷിക്കാനായി 12.30-ഓടെ കിണറ്റിലിറങ്ങിയ രതീഷിനെയും നായ കടിച്ചു പറിക്കുകയായിരുന്നു. കിണറ്റിൽനിന്നും കരയ്‌ക്കെടുത്ത നായയെ പിന്നീട് പുറത്ത് കെട്ടിയിട്ടു. കഴിഞ്ഞദിവസം മറ്റൊരാളെയും ഇതേ നായ കടിച്ചിരുന്നതായും ആരോപണമുണ്ട്.