ഖത്തർ ലോകകപ്പ്: കളിക്കളത്തിൽ ഇം​ഗ്ലണ്ടിന്റെ തേരോട്ടം, പിറന്നത് അഞ്ച് ​ഗോളുകൾ; അക്കൗണ്ട് തുറന്ന് തരേമി

43ാം മിനിറ്റിൽ ലഭിച്ച കോൺണർ കിക്ക് മുതലാക്കി സാക്കെയാണ് രണ്ടാം ​ഗോൾ നേടിയത്. അധികം വൈകാതെ തന്നെ മൂന്നാം ​ഗോളും പിറന്നു. ആദ്യ പകുതിയുടെ എക്സ്ട്രാ ടൈമിൽ ഹാരി കെയിൻ നൽകിയ മനോഹര പാസ് പോസ്റ്റിലേക്ക് തിരിച്ചുവിടുകയായിരുന്നു റഹീം സ്റ്റെർളിങ്. മത്സരത്തിന്റെ ആരംഭത്തിൽ ഇം​ഗ്ലണ്ട് മുന്നേറ്റങ്ങൾ സമർത്ഥമായി തട‍ഞ്ഞ ഇറാൻ പ്രതിരോധത്തെ തകർക്കുന്നതായിരുന്നു ഈ മൂന്ന് ​ഗോളുകളും.

62 ആം മിനിറ്റിൽ വീണ്ടും സാക്കെ ഗോൾ വല കുലുക്കുന്നു. 71 ആം മിനിറ്റിൽ ഇംഗ്ലണ്ടിനായി റാഷ്ഫോർഡ് വീണ്ടും ഗോൾ നേടുന്നു. 

സാക്കെയുടെ ഗോളിന് പിന്നാലെയാണ് ഇറാനായി തരേമി ഗോൾ അടിച്ചത്.

മത്സരത്തിന്റെ തുടക്കം മുതൽ ആക്രമിച്ച് കളിച്ച ഇം​ഗ്ലണ്ടിന്റെ ആത്മവിശ്വാസത്തെ ഒന്നുകൂടി വർധിപ്പിക്കുന്നതായിരുന്നു ആദ്യ ​ഗോൾ. ആ ​ഗോളിന്റെ ആത്മവിശ്വാസത്തിൽ പിന്നീട് കളിച്ച ഇം​ഗ്ലണ്ട് തുടരെ രണ്ട് ​ഗോളുകൽ നേടുകയായിരുന്നു. 79 ശതമാനം ബോൾ പൊസിഷനും ആദ്യ പകുതിയിൽ സ്വന്തമാക്കി ഇം​ഗ്ലണ്ട് സർവാധിപത്യം തുടരുകയാണ്. ഇറാനെ തോൽപിച്ച് ഖത്തറിൽ വരവറിയിക്കാനാണ് ഇംഗ്ലണ്ട് ഒരുങ്ങുന്നത്.