കേരളത്തിലെ രണ്ടാം ഘട്ട അഗ്നിപഥ് റിക്രൂട്ട്‌മെന്റ് റാലിക്ക് ഇന്ന് കൊല്ലത്ത് ആരംഭം

കൊല്ലം ലാൽ ബഹദൂർ ശാസ്ത്രി സ്റ്റേഡിയത്തിലെ താമസസൗകര്യവും ഗ്രൗണ്ടിലെ സ്ഥിതിഗതികളും കരസേനാ റിക്രൂട്മെന്‍റ് ഉന്നത ഉദ്യോഗസ്ഥരും ജില്ലാ ഭരണകൂടവും വിലയിരുത്തി. റിക്രൂട്മെന്‍റ് റാലിയുടെ നടത്തിപ്പിനായി വിവിധ വകുപ്പുകൾക്ക് നിർദ്ദേശം നൽകിയിട്ടുണ്ട് . റിക്രൂട്മെന്‍റിനായി തിരുവനന്തപുരം ആർമി റിക്രൂട്മെന്‍റ് ഡയറക്ടർ കേണൽ മനീഷ് ഭോല ഉൾപ്പെടെയുള്ളവർ കൊല്ലത്തുണ്ട് .

ഓൺലൈനിൽ റജിസ്റ്റർ ചെയ്ത ഉദ്യോഗാർഥികൾ ഇമെയിലിൽ ലഭിച്ച അഡ്മിറ്റ് കാർഡിനൊപ്പം ഒറിജിനൽ രേഖകളും ഹാജരാക്കണം. വ്യാജ റിക്രൂട്മെന്‍റ് വാഗ്ദാനങ്ങളിൽ ജാഗ്രത പാലിക്കണമെന്നും തെറ്റായ രീതിയിൽ സമീപിക്കുന്നവരെക്കുറിച്ചുള്ള വിവരങ്ങൾ പൊലീസ് സ്റ്റേഷനിലോ ആർമി യൂണിറ്റിലോ റാലി സ്ഥലത്തോ അറിയിക്കണമെന്ന് ഉദ്യോഗസ്ഥർ നിർദേശം നൽകിയിട്ടുണ്ട് .