കുർബാന വിഷയത്തിലെ തർക്കത്തെ തുടർന്ന് ഇടവകാംഗങ്ങൾ പള്ളി താഴിട്ട് പൂട്ടി

സിറോ മലബാർ സഭയിലെ കുർബാന വിഷയത്തിലെ തർക്കത്തെ തുടർന്ന് ഇടവകാംഗങ്ങൾ പള്ളി താഴിട്ട് പൂട്ടി.  സിറോ മലബാർ സഭ കുർബാന പ്രശ്‌നവുമായി ബന്ധപ്പെട്ട് ഏകീകൃത കുർബാന സാർവത്രികമാക്കണമെന്ന് സിനഡ് തീരുമാനിച്ചതിന് പിന്നാലെയാണ് പ്രതിഷേധം ശക്തമാകുന്നത്. സിനഡ് നിർദ്ദേശിച്ച ഏകീകൃത കുർബാന അംഗീകരിക്കാനാവില്ലെന്ന് എറണാകുളം അങ്കമാലി അതിരൂപതയിലെ ഒരുവിഭാഗം വിശ്വാസികൾ. അതിന്റെ ഭാഗമായാണ് അതിരൂപതക്ക് കീഴിലുള്ള കൂനമ്മാവ് കൊച്ചാൽ പള്ളി വികാരിയായ ഫാദർ സൈമൺ പുല്ലുപേട്ടയെ തടഞ്ഞത്. ഇതേതുടർന്ന് വിശ്വാസികളിൽ ഒരു വിഭാഗം പള്ളി താഴിട്ട് പൂട്ടി. സിനഡ് അംഗീകരിച്ച ഏകീകൃത കുർബാനയുമായി മുന്നോട്ട് പോയാൽ കർശനമായ പ്രതിഷേധം ഉണ്ടാകുമെന്ന് വിശ്വാസികൾ മുന്നറിയിപ്പ് നൽകിയിട്ടുണ്ട്. Syro malabar sabha controversy again on Angamaly