കടുവയുടെ ആക്രമണത്തില്‍ പരുക്കേറ്റ കര്‍ഷകന്‍ മരിച്ചു

വയനാട് : കടുവയുടെ ആക്രമണത്തിൽ പരിക്കേറ്റ കർഷകൻ മരിച്ചു. മാനന്തവാടി പുതുശേരി വെള്ളാരംകുന്ന് സ്വദേശി തോമസ് എന്ന സാലു (50) ആണ് മരിച്ചത്. സാലുവിന്റെ കൈയിലും കാലിലുമാണ് കടുവ കടിച്ചത്. ഗുരുതരാവസ്ഥയിലായിരുന്ന ഇയാളെ കോഴിക്കോട് മെഡിക്കൽ കോളേജിലേയേക്ക് മാറ്റവേ ഹൃദയാഘാതം വന്നാണ് മരണപ്പെട്ടത്.

ഇന്ന് രാവിലെ കൃഷിയിടത്തിൽ വച്ചാണ് സാലുവിനെ കടുവ ആക്രമിച്ചത്. കഴിഞ്ഞ ദിവസമാണ് വെള്ളാരംകുന്നിൽ കടുവ ഇറങ്ങിയത്. സംഭവത്തെ തുടർന്ന് വനപാലകർ സ്ഥലത്തെത്തി തെരച്ചിൽ ആരംഭിച്ചു. നാട്ടുകാരുടെ പ്രതിഷേധത്തെത്തുടർന്ന് കടുവയെ മയക്കുവെടി വച്ച് പിടികൂടാൻ തീരുമാനമായി.