പറമ്പിൽ നിന്ന് പേരക്ക പറിച്ച 12കാരനെ ബൈക്കിന് ഇടിച്ചിട്ട് സ്ഥലമുടമ, നിലത്തിട്ട് ചവിട്ടി, കാലിന്റെ എല്ല് പൊട്ടി കുട്ടി ആശുപത്രിയിൽ

കളിക്കാനെത്തിയ കുട്ടികൾ സമീപത്തെ പറമ്പിൽനിന്ന് പേരക്ക പറിക്കുകയായിരുന്നു. തുടർന്നാണ് സ്ഥലമുടമ മർദ്ദിച്ചത്. ബൈക്ക് കൊണ്ട് കുട്ടിയെ ആദ്യം ഇടിച്ചുവീഴ്ത്തിയെന്നും പിന്നീട് കാലിൽ ചവിട്ടി പരിക്കേൽപ്പിച്ചെന്നും കുട്ടിയുടെ കുടുംബം ആരോപിച്ചു. പരിക്കേറ്റ കുട്ടിയെ പ്രതിയുടെ ബന്ധുക്കൾ തന്നെയാണ് ആശുപത്രിയിൽ എത്തിച്ചത്.

പിന്നീട് വിവരമറിഞ്ഞെത്തിയ വീട്ടുകാരാണ് പോലീസിൽ പരാതി നൽകിയത്. സംഭവത്തിൽ കേസെടുത്ത് അന്വേഷണം ആരംഭിച്ചതായി പോലീസ് അറിയിച്ചു. കുട്ടിയെ മർദിച്ച സംഭവത്തിൽ മന്ത്രി വീണാ ജോർജും അന്വേഷണത്തിന് ഉത്തരവിട്ടു. വനിതാ ശിശുക്ഷേമവകുപ്പ് വികസന ഡയറക്ടർക്കാണ് അന്വേഷണ ചുമതല.