കോട്ടയം : ഓടിക്കൊണ്ടിരുന്ന കെഎസ്‌ആര്‍ടിസി ബസിനിടയിലേക്ക് കുഴഞ്ഞു വീണ് കാല്നടയാത്രക്കാരന് മരിച്ചു. മാലം കൊച്ചുതാഴത്ത് (മീനടം കുന്നുംപുറത്ത്) ജോര്‍ജ് കുര്യന്‍ (54) ആണ് മരിച്ചത്. ഇന്നലെ ഉച്ച കഴിഞ്ഞ് ടിബി റോഡില്‍ ഫെഡറല്‍ ബാങ്കിന് മുന്നിലാണ് അപകടം നടന്നത്. തിരുവനന്തപുരം ഭാഗത്തേക്ക് പോകുകയായിരുന്ന കെഎസ്‌ആര്‍ടിസി ബസ് കടന്നു വരുമ്പോള്‍ റോഡരികിലൂടെ നടന്നു വന്ന ജോര്‍ജ് ബസിന് അടിയിലേക്ക് തലയുടെ പിന്‍വശം അടിച്ചു വീഴുകയായിരുന്നുവെന്ന് പോലീസ് പറഞ്ഞു.
അപകടത്തില്‍ ഗുരുതരമായി പരിക്കേറ്റയാളെ പോലീസ് ആദ്യം ജില്ലാ ജനറല്‍ ആശുപത്രിയിലും പിന്നീട് കോട്ടയം മെഡിക്കല്‍ കോളേജിലും പ്രവേശിപ്പിച്ചെങ്കിലും വൈകുന്നേരം 6.30ഓടെ മരിക്കുകയായിരുന്നു. ഇയാള്‍ ബസിന്‍റെ അടിയിലേക്ക് വീഴുന്ന അപകടത്തിന്‍റെസിസിടിവി ദൃശ്യങ്ങളും പോലീസിന് ലഭിച്ചു. കോട്ടയം വെസ്റ്റ് പോലീസ് മേല്‍നടപടികള്‍ സ്വീകരിച്ച ശേഷം മൃതദേഹം മോര്‍ച്ചറിയിലേക്ക് മാറ്റി. ഭാര്യ: ജിന്‍സി (നഴ്സ്, ഡല്‍ഹി ) മകന്‍: ജോണ്‍ സി. ജോര്‍ജ് (ഒമ്ബതാം ക്ലാസ് വിദ്യാര്‍ത്ഥി) സംസ്കാരം പിന്നീട് നടക്കും.
0 Comments