വീട്ടിൽ അതിക്രമിച്ച് കയറി യുവതിയെ പീഡിപ്പിക്കാൻ ശ്രമിച്ച പൊലീസുകാരൻ പിടിയിൽ

യുവതി പൊലീസിന് നൽകിയ പരാതിയിൽ കണ്ണൂർ എആർ ക്യാമ്പിലെ സീനിയർ സിവിൽ സർവ്വീസ് ഓഫീസർ ശ്രീകണ്ഠാപുരം സ്വദേശി പി വി പ്രദീപനെ അറസ്റ്റ് ചെയ്തു. ഐ പിസി മുന്നൂറ്റി അൻപത്തിനാലാം വകുപ്പ് ഉൾപ്പെടെ ചുമത്തിയാണ് കേസ് എടുത്തത്.

നേരത്തെ സമാനമായി കണ്ണൂരിൽവച്ചും ഇയാൾ സ്ത്രീകളെ പീഡനത്തിന് ഇരയാക്കാൻ ശ്രമിച്ചിട്ടുണ്ടെന്നാണ് വിവരം. ഈ കാര്യത്തിൽ വിശദമായ അന്വേഷണം നടത്തുമെന്ന് പൊലീസ് വ്യക്തമാക്കി.നേരത്തെയും ഇയാൾക്കെതിരെ സ്ത്രീ പീഡന പരാതികൾ ലഭിച്ചിട്ടുണ്ട്. ഇതിൽ ഇയാൾക്കെതിരെ കേസും എടുത്തിട്ടുണ്ടെന്നും പൊലീസ് അറിയിച്ചു.