എയർ ഇന്ത്യ എഞ്ചിനീയറിംഗ് സർവീസസ് ലിമിറ്റഡ് 371 തസ്തികകളിലേക്ക് അപേക്ഷ ക്ഷണിച്ചു

എയർ ഇന്ത്യ എഞ്ചിനീയറിംഗ് സർവീസസ് ലിമിറ്റഡ് (AIESL) വിവിധ ഒഴിവുകളിലേക്ക് അപേക്ഷ ക്ഷണിച്ചു. എയർക്രാഫ്റ്റ് ടെക്നീഷ്യൻ തസ്തികകളിലേക്കാണ് ഈ റിക്രൂട്ട്മെന്റ്.  താൽപ്പര്യവും യോഗ്യതയുമുള്ള ഉദ്യോഗാർത്ഥികൾക്ക് ഔദ്യോഗിക വെബ്സൈറ്റ് www.aiasl.in സന്ദർശിച്ച് അപേക്ഷിക്കാം. അപേക്ഷയുടെ അവസാന തീയതി 2023 മാർച്ച് 20 ആണ്. വൈകി അയക്കുന്നവരെ പരിഗണിക്കില്ല.

വിജ്ഞാപനമനുസരിച്ച്, ഈ റിക്രൂട്ട്‌മെന്റിലൂടെ മൊത്തം 371 തസ്തികകളിലേക്കാണ് എയർ ഇന്ത്യ നിയമനം നടത്തുന്നത്. അപേക്ഷകർ വ്യക്തമായി അപേക്ഷ ഫോം വായിച്ച ശേഷം അപേക്ഷ സമർപ്പിക്കുക. 

വിദ്യാഭ്യാസ യോഗ്യത

എയർക്രാഫ്റ്റ് ടെക്നീഷ്യൻ (മെയിന്റനൻസ് & ഓവർഹോൾ ഷോപ്പുകൾ) തസ്തികകളിലേക്ക് അപേക്ഷിക്കുന്നതിന്, ഉദ്യോഗാർത്ഥികൾക്ക് ബന്ധപ്പെട്ട സ്ട്രീമിൽ ഡിപ്ലോമ ഉണ്ടായിരിക്കണം. 60 ശതമാനം മാർക്കും ഉണ്ടായിരിക്കണം. ഒബിസി, എസ്‌സി, എസ്ടി ഉദ്യോഗാർത്ഥികൾക്കും 5 ശതമാനം ഇളവ് നൽകിയിട്ടുണ്ട്. ഉദ്യോഗാർത്ഥികൾക്ക് ഔദ്യോഗിക വെബ്സൈറ്റ് സന്ദർശിച്ച് വിദ്യാഭ്യാസ യോഗ്യതയുമായി ബന്ധപ്പെട്ട കൂടുതൽ വിവരങ്ങൾ പരിശോധിക്കാവുന്നതാണ്.

അപേക്ഷാ ഫീസ്

ജനറൽ, ഒബിസി, ഇഡബ്ല്യുഎസ് ഉദ്യോഗാർത്ഥികൾ അപേക്ഷയ്ക്ക് 1000 രൂപ നൽകണം.എസ്‌സി, എസ്ടി, വിമുക്തഭടന്മാർ എന്നിവർ 500 രൂപ ഫീസ് അടയ്‌ക്കേണ്ടിവരും.

തിരഞ്ഞെടുക്കപ്പെട്ട ഉദ്യോഗാർത്ഥികൾക്ക് ഏഴാം ശമ്പള സ്കെയിൽ അനുസരിച്ച് ശമ്പളം നൽകും. കൂടുതൽ വിവരങ്ങൾ ഉദ്യോഗാർത്ഥികൾക്ക് ഔദ്യോഗിക വെബ്സൈറ്റ് സന്ദർശിച്ച് പരിശോധിക്കാവുന്നതാണ്.

അപേക്ഷിക്കേണ്ട വിധം

1. ആദ്യം www.aiasl.in എന്ന ഔദ്യോഗിക വെബ്‌സൈറ്റിലേക്ക് പോകുക.

തുടർന്ന് റിക്രൂട്ട്മെന്റ് ലിങ്കിൽ ക്ലിക്ക് ചെയ്യുക.

2. എയർക്രാഫ്റ്റ് ടെക്നീഷ്യൻ റിക്രൂട്ട്മെന്റ് ലിങ്കിൽ ക്ലിക്ക് ചെയ്യുക.

വ്യക്തിഗത വിശദാംശങ്ങൾ നൽകി സമർപ്പിക്കുക.

3. എയർക്രാഫ്റ്റ് ടെക്നീഷ്യൻ ഫോമും പ്രസക്തമായ രേഖകളും അപ്‌ലോഡ് ചെയ്യുക.

ഫോം ഫീസ് പൂരിപ്പിക്കുക.ഫോം സമർപ്പിക്കുക.

4. ഫോമിന്റെ ഒരു പകർപ്പ് ഡൗൺലോഡ് ചെയ്‌ത് നിങ്ങളുടെ പക്കൽ സൂക്ഷിക്കുക