കറുകച്ചാല്‍ : റോഡില്‍ പടര്‍ന്ന ഓയിലില്‍ തെന്നി ബൈക്കുകള്‍ മറിഞ്ഞുണ്ടായ അപകടത്തിൽ യാത്രക്കാര്‍ക്ക് പരിക്കേറ്റു. വാഴൂര്‍ റോഡില്‍ കൂത്രപ്പള്ളി ജംഗ്ഷനിലെ കൊടുംവളവിൽ ഇന്നലെ ഉച്ചകഴിഞ്ഞ് 1.30-ഓടെ ആയിരുന്നു അപകടം നടന്നത്.
കറുകച്ചാലില്‍ നിന്ന് ചങ്ങനാശേരി ഭാഗത്തേക്ക് പോയ ബൈക്കുകളാണ് വളവില്‍ തെന്നി മറിഞ്ഞ് വീണ് അപകടമുണ്ടായത്. ഇവരെ നിസാര പരിക്കുകളോടെ ആശുപത്രിയില്‍ പ്രവേശിപ്പിച്ചു.
മുന്‍പ് പോയ ഏതോ വാഹനത്തില്‍ നിന്നു ചോര്‍ന്നതാണ് ഓയില്‍. തുടർന്ന്, ഫയര്‍ഫോഴ്‌സ് എത്തി റോഡിലെ ഓയില്‍ കഴുകിക്കളഞ്ഞ ശേഷമാണ് അപകടങ്ങൾ ഒഴിവായത്.
0 Comments