ശിവശങ്കറിനെ കലൂരിലെ പി എം എല്‍ എ കോടതിയില്‍ ഇന്ന് ഉച്ചയോടെ ഹാജരാക്കും. ഇഡി ആവശ്യപ്പെട്ടതനുസരിച്ച്‌ നാലുദിവസം കൂടി ശിവശങ്കറിനെ കോടതി കസ്റ്റഡിയില്‍ വിടുകയായിരുന്നു.
കേസില്‍ സ്വപ്ന സുരേഷുമായി നടത്തിയ വാട്സ്‌ആപ്പ് ചാറ്റുകള്‍ തൻ്റെ തന്നെയെന്ന് എം ശിവശങ്കര്‍ സമ്മതിച്ചതായാണ് സൂചന. ശിവശങ്കറിന്റെ പങ്ക് വിചാരിച്ചതിലും വ്യാപ്തിയുള്ളതാണ് എന്നാണ് ഇ ഡി കോടതിയില്‍ അറിയിച്ചിരുന്നത്.
ശിവശങ്കറില്‍ നിന്ന് ലഭിച്ചിട്ടുള്ള തെളിവുകളുടെയും മൊഴിയുടെയും അടിസ്ഥാനത്തില്‍ ആണ് കേസില്‍ സി എം രവീന്ദ്രനെയും ഇഡി ചോദ്യം ചെയ്യാന്‍ ഒരുങ്ങുന്നത്. തിങ്കളാഴ്ച ഹാജരാകണമെന്ന് ആവശ്യപ്പെട്ട് സിഎം രവീന്ദ്രന് ഇഡി നോട്ടീസ് അയച്ചിട്ടുണ്ടെങ്കിലും അദ്ദേഹം ഇതിന് മറുപടി നല്‍കിയിട്ടില്ല.
0 Comments