നാട്ടില്‍വന്ന് മടങ്ങിയത് മൂന്ന് ദിവസം മുൻപ്; ഛത്തീസ്ഗഡിൽ മലയാളി സൈനികൻ സ്വയം വെടിവെച്ച് മരിച്ചു

പാലക്കാട് : മലയാളി ജവാൻ സ്വയം വെടിയുതിർത്ത് മരിച്ചു. പാലക്കാട് അയിലൂർ തിരുവഴിയാട് ഇടപ്പാടം വീട്ടിൽ മണികണ്ഠന്റെ മകൻ വിനുവാണ് (37) മരിച്ചത്. ഛത്തീസ്ഗഢിലെ ബിജാപൂരിൽ സി.ആർ.പി.എഫ്. (സെൻട്രൽ റിസർവ് പോലീസ് ഫോഴ്സ്) ജവാനാണ് വിനു. ജവാൻ സ്വയം വെടിവെച്ച് മരിച്ചതായി ബന്ധുക്കൾക്ക് വിവരം ലഭിക്കുകയായിരുന്നു.