കൊല്ലത്ത് മാതൃഭൂമിയുടെ മാധ്യമപ്രവർത്തകർക്ക് നേരെ ഗുണ്ടാ സംഘത്തിൻ്റെ മർദ്ദനം; റിപ്പോർട്ടർ കുഴഞ്ഞു വീണു; കേരള പത്രപ്രവർത്തക അസോസിയേഷൻ പ്രതിഷേധം രേഖപ്പെടുത്തി

കഴിഞ്ഞ ദിവസം കൊല്ലം പബ്ലിക് ലൈബ്രറിയ്ക്ക് മുന്നിലാണ് സംഭവം നടന്നത്. ഇരുവരും വാർത്തയുമായി ബന്ധപ്പെട്ട് പുറത്ത് പോയപ്പോഴായിരുന്നു അക്രമം. തിരികെ മടങ്ങുന്നതിനിടെ പ്രദേശത്തെ ഒരു റോഡിന്റെ ചിത്രം സുധീർ പകർത്തിയിരുന്നു. ഈ റോഡിനോട് ചേർന്ന് പ്രവർത്തിച്ചിരുന്ന തട്ടുകടകളുടെ ചിത്രമാണ് സുധീർ പകർത്തിയത് എന്നാരോപിച്ച് പിന്തുടർന്നെത്തിയ നാലു പേർ അടങ്ങുന്ന സംഘം അനിലിനെയും സുധീറിനെയും തടഞ്ഞുനിർത്തുകയും മർദ്ദിക്കുകയുമായിരുന്നു. അക്രമത്തിൽ ഈസ്റ്റ് പൊലീസ് കേസെടുത്തു. അക്രമി സംഘത്തിലെ രണ്ട് പേരെ പൊലീസ് കസ്റ്റഡിയിലെടുത്തിട്ടുണ്ട്.