കൊല്ലത്ത് പ്രായപൂർത്തിയാകാത്ത ആൺകുട്ടിയെ പ്രകൃതി വിരുദ്ധമായി പീഡിപ്പിച്ച കേസിലെ പ്രതി കുട്ടിയുടെ അമ്മയെ ആക്രമിച്ചു

ഈ മാസം 22നാണ് പരാതിക്കാസ്പദമായ സംഭവം അരങ്ങേറിയത്. പ്രതിയുടെ വീടിനടുത്ത് വെച്ച് പീഡനത്തിനിരയായ ആൺകുട്ടിയെ പ്രതി കളിയാക്കിയത് കുട്ടിയുടെ അമ്മ ചോദ്യം ചെയ്തു. ഈ വിരോധത്തിൽ കുട്ടിയുടെ അമ്മയെ പ്രതി കല്ലുകൊണ്ട് ആക്രമിച്ചുവെന്നാണ് പരാതി. സംഭവത്തിൽ പരിക്കേറ്റ കുട്ടിയുടെ അമ്മയെ നാട്ടുകാരും ബന്ധുക്കളും ചേർന്നാണ് കടയ്ക്കലിലെ ആശുപത്രിയിൽ പ്രവേശിപ്പിക്കുകയായിരുന്നു.