വഴി ചോദിക്കാൻ നിർത്തിയ ലോറിയിൽ ബൈക്കിടിച്ച് അപകടം; യുവാവിന് പിന്നാലെ 21 കാരിയും യാത്രയായി

അമ്പലപ്പുഴ : വാഹനാപകടത്തിൽ പരിക്കേറ്റ് ചികിത്സയിൽ കഴിഞ്ഞ വിദ്യാർത്ഥിനി മരിച്ചു. അമ്പലപ്പുഴ വടക്ക് വഞ്ചായത്ത് വണ്ടാനം വെളുത്തേടത്ത് പറമ്പിൽ സന്തോഷ് – അജിത ദമ്പതികളുടെ മകൾ അഖില (21) ആണ് മരിച്ചത്. ചേർത്തലയിലെ സ്വകാര്യ കോളേജ് ജനറൽ നേഴ്സിങ് വിദ്യാർത്ഥിയാണ്. തിങ്കൾ വൈകിട്ട് 4.15 ഓടെ പല്ലന മാർക്കറ്റ് ജംഗ്ഷന് സമീപമായിരുന്നു അപകടം. തൃക്കുന്നപ്പുഴ ഭാഗത്തേക്ക് പോവുകയായിരുന്ന ടാർ കയറ്റിയ ലോറി വഴി ചോദിക്കാനായി നിർത്തിയപ്പോൾ പുറകെ വന്ന ബൈക്ക് ലോറിയിൽ ഇടിക്കുകയായിരുന്നു.

• ജോലിയുടെ സമ്മർദ്ദം താങ്ങാനാകാതെ ആത്മഹത്യ; അമ്മയ്ക്ക് വീഡിയോ സന്ദേശം അയച്ച ശേഷം യുവാവ് ഫ്‌ളാറ്റിൽ നിന്ന് ചാടി മരിച്ചു
• റഷ്യൻ വിസ വാഗ്ദാനം ചെയ്ത് കോടികളുടെ തട്ടിപ്പ്; 60 പേരെ പച്ചയ്ക്ക് പറ്റിച്ച് മലയാളി തട്ടിയത് ഒരു കോടി രൂപയോളം; ബെൻസ് വാങ്ങി ആഡംബര ജീവിതം
• 2013 ലെ വാഹനാപകടത്തിൽ യാത്രക്കാരൻ മരിച്ച സംഭവം!, നരഹത്യ കുറ്റം ചുമത്തി കോടതി ശിക്ഷിച്ച ശേഷം ഒളിവിലായിരുന്ന പ്രതി പിടിയിൽ, പിടികൂടിയത് ട്രാഫിക് എസ്.ഐ പി.എസ് സന്തോഷിൻ്റെ നേതൃത്വത്തിലുള്ള സംഘം സാഹസികമായി
• കൊല്ലം ജില്ലാ കലക്ടറുടെ പേരിൽ വാട്സ്ആപ്പ് സന്ദേശം; ഓൺലൈൻ തട്ടിപ്പിൽ നിന്ന് രക്ഷപ്പെട്ട് പള്ളിമൺ വില്ലേജ് ഓഫീസർ; മുന്നറിയിപ്പ്

അജിതയുടെ ജേഷ്ഠ സഹോദരി ഓമനയുടെ മകൻ അഭിജിത്ത്കുമാറു (23) മായി ബൈക്കിൽ പോകുമ്പോൾ വളവിൽ നിർത്തിയിട്ടിരുന്ന ലോറിക്കു പിന്നിൽ ഇടിക്കുകയായിരുന്നു. അഭിജിത്ത് അപകട സ്ഥലത്തു തന്നെ മരിച്ചു. അപകടത്തിൽ തലയ്ക്ക് ഗുരുതര പരിക്കേറ്റ അഖിലയെ വണ്ടാനം മെഡിക്കൽ കോളേജ് ആശുപത്രിയിലെ ട്രോമാകെയർ തീവ്ര പരിചരണ വിഭാഗത്തിൽ പ്രവേശിപ്പിച്ചെങ്കിലും ഇന്ന് പുലർച്ചെ മരണത്തിന് കീഴടങ്ങുകയായിരുന്നു. മൃതദേഹം പോസ്റ്റുമോർട്ടത്തിനു ശേഷം ബന്ധുക്കൾക്ക് വിട്ടു നൽകി. സഹോദരി അനഘ.