ദേവികുളത്ത് ഉപതിരഞ്ഞെടുപ്പ് നടത്തണമെന്നാവശ്യം; തിരഞ്ഞെടുപ്പ് കമ്മീഷന് കത്തയച്ച് കെ സുധാകരൻ

തിരുവനന്തപുരം : ദേവികുളത്ത് ഉപതിരഞ്ഞെടുപ്പ് നടത്തണമെന്ന് കെ സുധാകരൻ. ദേവികുളം നിയമസഭ തിരഞ്ഞെടുപ്പ് റദ്ദാക്കിയ ഹൈക്കോടതി വിധിയിൽ സുപ്രീം പോടതിയിൽ പോകുവാൻ എ രാജക്ക് 10 ദിവസമാണ് സമയം ഉണ്ടായിരുന്നത്.

എന്നാൽ അനുകൂല ഉത്തരവ് സുപ്രീം കോടതിയിൽ നിന്ന് ലഭിക്കാത്ത സാഹചര്യത്തിൽ ജനപ്രാതിനിധ്യ നിയമം 107 ആം വകുപ്പ് പ്രകാരം അയോ​ഗ്യനായതിനാൽ ഹൈക്കോടതി വിധി പൂർണ്ണമായും പാലിക്കാൻ കത്തിലൂടെ തിരഞ്ഞെടുപ്പ് കമ്മീഷനോട് ആവശ്യപ്പെടുകയായിരുന്നു.

ഇക്കഴിഞ്ഞ മാർച്ച് 20 നാണ് ദേവികുളം നിയമസഭാ തിരഞ്ഞെടുപ്പ് ഹൈക്കോടതി റദ്ദാക്കിയത്. പട്ടികജാതി സംവരണ സീറ്റിൽ മത്സരിക്കാൻ എ രാജക്ക് അർഹത ഇല്ലെന്ന് കണ്ടെത്തുകയായിരുന്നു.