സിപിഐയിൽ പടലപിണക്കം; എഐവൈഎഫ് കോട്ടയം ജില്ലാ പ്രസിഡന്റ് രാജിവച്ചു

കോ​ട്ട​യം : എഐവൈഎഫ് കോട്ടയം ജില്ലാ പ്രസിഡന്റ് റെനീഷ് കാരിമറ്റം രാജിവച്ചു. എവൈഎഫിലെ തര്‍ക്കങ്ങളെ തുടര്‍ന്നാണ് റെനീഷിന്റെ രാജി. ‘നട്ടെല്ല് വളയുന്നില്ല’ എന്ന അസുഖം ബാധിച്ചെന്നാണ് രാജിയെ തുടര്‍ന്ന് റെനീഷ് കാരിമറ്റം നേതൃത്വത്തെ പരിഹസിച്ചത്. 

ഫേ​സ്ബു​ക്കി​ലൂ​ടെ രാ​ജി​വ​ച്ച റെ​നീ​ഷി​നെ മ​ണി​ക്കൂ​റു​ക​ൾ​ക്കു​ള്ളി​ൽ പു​റ​ത്താ​ക്കി എ​ഐ​വൈ​എ​ഫ് പ​ത്ര​ക്കു​റി​പ്പും പു​റ​ത്തി​റ​ക്കി. "എ​ഐ​വൈ​എ​ഫി​ൽ നി​ന്നും രാ​ജി​വ​യ്ക്കു​ന്നു. ന​ട്ടെ​ല്ല് സം​ബ​ന്ധ​മാ​യ അ​സു​ഖ​ത്തെ തു​ട​ർ​ന്നാ​ണ് രാ​ജി​വ​യ്ക്കു​ന്ന​ത്. ന​ട്ടെ​ല്ല് വ​ള​യു​ന്നി​ല്ല എ​ന്നു​ള്ള​താ​ണ് പ്ര​ശ്നം' എ​ന്നാ​ണ് റെ​നീ​ഷ് ഫേ​സ്ബു​ക്കി​ൽ കു​റി​ച്ച​ത്.

നീതിബോധം ഉള്ളവര്‍ക്ക് തുടര്‍ന്നു പോകാന്‍ പാടാണെന്ന് പുറത്താക്കിയ അറിയിപ്പിന് പിന്നാലെ റനീഷ് പ്രതികരിച്ചു. ‘നേരത്തേ രാജി വയ്ക്കണമെന്ന് വിചാരിച്ചിരുന്നതാണ്. ഇന്ന് രാജി വച്ചു. രാജിക്കത്ത് കൊടുക്കുന്നില്ല. 48 മണിക്കൂര്‍ വിശദീകരണത്തിന് സമയം തന്നതിനു ശേഷം പുറത്താക്കിക്കൊണ്ടുള്ള പ്രസ്താവന ഇട്ടതിലൂടെ സ്റ്റേറ്റ് നേതൃത്വത്തിന്റെ താല്പര്യങ്ങള്‍ വ്യക്തമാണല്ലോ?’ എന്നും റനീഷ് ഫേസ്ബുക്ക് പോസ്റ്റില്‍ പറഞ്ഞു

എ​ഐ​വൈ​എ​ഫ് ജി​ല്ലാ സെ​ക്ര​ട്ട​റിയും യുവജനക്ഷേമ ബോർഡ് അംഗവുമായ എ​സ്.​പി.​സു​ജി​ത്ത് സം​ഘ​ട​ന​യി​ൽ നി​ന്നും അ​വ​ധി​യെ​ടു​ത്ത് വി​ദേ​ശ​ത്തേ​ക്ക് പോ​യ​തോ​ടെ​യാ​ണ് സം​ഘ​ട​ന​യി​ലും പാ​ർ​ട്ടി ജി​ല്ലാ ഘ​ട​ക​ത്തി​ലും ഇ​ത് സം​ബ​ന്ധി​ച്ച ത​ർ​ക്ക​ങ്ങ​ൾ തു​ട​ങ്ങി​യ​ത്. ആ​ക്ടിം​ഗ് സെ​ക്ര​ട്ട​റി​യാ​യി ശ​ര​ത് ര​വീ​ന്ദ്ര​നെ ആദ്യം നി​യോ​ഗി​ച്ചു.

എ​ന്നാ​ൽ പി​ന്നീ​ട് അ​വ​ധി അ​വ​സാ​നി​പ്പി​ച്ച് സു​ജി​ത്ത് തി​രി​ച്ചെ​ത്തി​യ ഉ​ട​ൻ മുണ്ടക്കയത്ത് ജി​ല്ലാ ക​ൺ​വ​ൻ​ഷ​ൻ വി​ളി​ച്ച് വീ​ണ്ടും സെ​ക്ര​ട്ട​റി സ്ഥാ​നം ഏ​റ്റു. തൊട്ടടുത്ത ആഴ്ച നിലയ്ക്കലിൽ ചേർന്ന സംസ്ഥാന ക്യാമ്പിൽ എഐവൈഎഫ് സംസ്ഥാന എക്സിക്യൂട്ടീവിലേക്കും സുജിത്ത് തെരഞ്ഞെടുക്കപ്പെട്ടു.