പദ്ധതിയിട്ടത് രണ്ട് കോച്ചുകൾ കത്തിക്കാൻ; ഷാറൂഖ് സെയ്ഫിയുടെ ബാ​ഗ് വീണത് യാത്രക്കാർ പരിഭ്രാന്തരായി ഓടുന്നതിനിടെ

ഒന്നല്ല രണ്ട് കോച്ചുകൾ മുഴുവൻ കത്തിക്കാനാണ് ഷാറൂഖ് സെയ്ഫി എത്തിയതെന്നും അന്വേഷണ ഉദ്യോ​ഗസ്ഥരുടെ നി​ഗമനം. കൂടുതൽ കാര്യങ്ങൾ പ്രതി വെളിപ്പെടുത്തിയിട്ടില്ല.

ഡി 1 കോച്ചിന് തീയിട്ടശേഷം ഡി 2 കോച്ചിനും തീയിടാൻ ഇയാൾ പ​ദ്ധതി തയ്യാറാക്കിയിരുന്നു. എന്നാൽ ആളുകൾ പരിഭ്രാന്തരായി ഓടുന്നതിനിടക്ക് ഷാറൂഖ് സെയ്ഫിയുടെ ബാ​ഗ് അപ്രതീക്ഷിതമായി പുറത്തേക്ക് തെറിച്ച് പോയതാണ് ഇയാൾക്ക് വിനയായത്. 

ഷഹറൂഫ് സെയ്ഫിക്ക് കേരളത്തിൽ നിന്ന് സഹായം ലഭിച്ചിരുന്നു എന്ന സൂചനകൾ പുറത്ത്. പട്ടാമ്പി ഓങ്ങല്ലൂരിൽ ഇയാൾ എത്തിയതായി റിപ്പോർട്ടുകൾ സ്ഥിതീകരിച്ചു. എസ്ഐടി ഉദ്യോ​ഗസ്ഥർ ഷൊർണൂരിലെത്തി അന്വേഷണം നടത്തി. ട്രെയിനിൽ ഇയാളുടെ കൂടെ കൂട്ടാളികൾ ഉണ്ടായിരുന്നു എന്നാണ് എസ്ഐടിയുടെ നി​ഗമനം.