കെഎസ്ആർടിസിക്ക് താൽക്കാലികാശ്വാസം; പെൻഷൻ ആനുകൂല്യ വിതരണത്തിന് ഹൈക്കോടതി കൂടുതൽ സമയം അനുവദിച്ചു

കൊച്ചി : കെഎസ്ആർടിസിക്ക് തൽക്കാലം ആശ്വാസം. പെൻഷൻ ആനുകൂല്യ വിതരണത്തിന് ഹൈക്കോടതി കൂടുതൽ സമയം അനുവദിച്ചു. 2022 വരെ സർവ്വീസിൽ നിന്ന് വിരമിച്ചവർക്കുള്ള ആദ്യഘട്ട ആനുകൂല്യമായ ഒരുലക്ഷം രൂപ രണ്ട് ഘട്ടമായാണ് നൽകുക. ആദ്യഭാഗം ജൂൺ 1നും രണ്ടാംഭാഗം ജൂലൈ 1നു മുൻപും നൽകണം. കോർപ്പസ് ഫണ്ടിലേക്ക് തുക മാറ്റിവെക്കുന്നതിന് ജൂലൈ 1 വരെയും സമയം നീട്ടിയിട്ടുണ്ട്.