കംപ്രസർ ഉപയോഗിച്ച് മലദ്വാരത്തിൽ കാറ്റടിച്ച് 36കാരൻ മരിച്ചു; സുഹൃത്തായ യുവാവ് അറസ്റ്റിൽ

കൊച്ചി : മലദ്വാരത്തിലൂടെ കംപ്രസ്സർ പമ്പ് ഉപയോഗിച്ച് കാറ്റടിച്ചതിനെ തുടർന്ന് യുവാവ് മരിച്ച സംഭവത്തിൽ ഒരാൾ അറസ്റ്റിൽ. ആസാം സ്വദേശി സിദ്ധാർഥ് ചമുയ (33) ആണ് അറസ്റ്റിലായത്. മലമുറി മറിയം പ്ലൈവുഡ് കമ്പനിയിൽ ജോലി ചെയ്തിരുന്ന ആസാം സ്വദേശി മിന്റു (36) ആണ് ദാരുണമായി കൊല്ലപ്പെട്ടത്.

ഇക്കഴിഞ്ഞ തിങ്കളാഴ്ച രാവിലെയാണ് കേസിനാസ്പദമായ സംഭവം നടന്നത്. മിന്റു കുഴഞ്ഞ് വീണെന്ന് പറഞ്ഞാണ് ആശുപത്രിയിൽ എത്തിച്ചത്. ആശുപത്രിയിൽ എത്തിയതിന് പിന്നാലെ യുവാവ് മരണപ്പെടുകയും ചെയ്തു. യുവാവിന്റെ മരണത്തിൽ സംശയം തോന്നിയ പോലീസ് പ്രത്യേക അന്വേഷണ സംഘത്തെ രൂപീകരിച്ച് നടത്തിയ അന്വേഷണത്തിലാണ് കൊലപാതകമാണെന്ന് കണ്ടെത്തിയത്.