അബ്ദുൾ നാസർ മഅദനിക്ക് സുപ്രീം കോടതിയിൽ തിരിച്ചടി; സുരക്ഷാചെലവ് കുറയ്ക്കണമെന്ന ആവശ്യം തള്ളി; നടപടിയിൽ ഇടപെടില്ലെന്ന് കോടതി

ജസ്റ്റിസുമാരായ അജയ് റസ്തോഗി, ബേല എം ത്രിവേദി എന്നിവരടങ്ങിയ ബെഞ്ചാണ് ഹർജി പരിഗണിച്ചത്. മഅദനിക്കുള്ള സുരക്ഷാ ഭീഷണി, റിസ്ക് അസസ്മെന്‍റ് എന്നിവയുടെ അടിസ്ഥാനത്തിലാണ് സുരക്ഷ ഉദ്യോഗസ്ഥന്മാരെ നിയോഗിച്ചത്. ഇതിനായി മാസം 2 ലക്ഷം രൂപ കെട്ടിവയ്ക്കണമെന്ന് കർണാടക പൊലീസ് ആവശ്യപ്പെട്ടിരുന്നു. ഈ അകമ്പടി ചെലവ് കുറയ്ക്കാൻ സാധിക്കില്ലെന്ന് കർണാടക സർക്കാർ ഇന്നലെ കോടതിയെ അറിയിച്ചിരുന്നു. ജൂലൈ 8 വരെയുള്ള സുരക്ഷാ കാര്യങ്ങൾക്ക് 54.63 ലക്ഷം രൂപ കെട്ടിവക്കണമെന്ന് ആവശ്യപ്പെട്ടതിനെതിരെ മഅദനി നൽകിയ അപേക്ഷയിലാണ് കർണാടക ഭീകര വിരുദ്ധ സെൽ എതിർ സത്യവാങ്മൂലം നൽകിയത്.