അഞ്ചാലുംമൂട് പ്രാക്കുളത്ത് ക്ഷേത്രോത്സവുമായി ബന്ധപ്പെട്ടുണ്ടായ തർക്കത്തെ തുടർന്ന് വെട്ടിക്കൊലപ്പെടുത്താന്‍ ശ്രമം; രണ്ട് പേരെ അറസ്റ്റ് ചെയ്തതായി പോലീസ്; കൂടുതൽ പ്രതികൾ ഒളിവിലാണെന്ന് സൂചന

ക്ഷേത്രത്തിലെ പള്ളിവേട്ട സമയത്ത് നൃത്തം ചെയ്തുതുമായി ബന്ധപ്പെട്ട് ഉടലെടുത്ത തർക്കമാണ് അക്രമത്തിൽ കലാശിച്ചതെന്ന് പോലീസ് പറഞ്ഞു. നൃത്തം ചെയ്തതുമായി ബന്ധപ്പെട്ട് ഉല്ലാസിന്‍റെ അനുജനായ ഉണ്ണിയും പ്രതിയായ വസന്തനും തമ്മില്‍ വാക്ക് തര്‍ക്കവും അടിപിടിയും ഉണ്ടായിരുന്നു. ഈ വിരോധത്തില്‍ വസന്തനും മറ്റ് മൂന്ന് പേരും ചേര്‍ന്ന് കഴിഞ്ഞ ഏഴാം തീയതി രാത്രി 10.45 മണിയോടെ ഉല്ലാസിന്‍റെ വീട്ടിലേക്ക് മാരകായുധങ്ങളുമായി അതിക്രമിച്ച് കയറുകയായിരുന്നു. വീടിന്‍റെ വാതില്‍ ചവിട്ടി തകര്‍ത്ത് ഉളളില്‍ കയറിയ പ്രതികള്‍ ചീത്ത വിളിച്ചുകൊണ്ട് ഉല്ലാസിന്‍റെ ജ്യേഷ്ഠസഹോദരനായ ഉദയകുമാറിനെ കഴുത്തിന് വെട്ടിയും തടയാന്‍ ശ്രമിച്ച ഉല്ലാസിനെ കമ്പി വടികൊണ്ട് മാരകമായി മര്‍ദ്ദിച്ചും പരിക്കേല്‍പ്പിച്ചതായും പോലീസ് പറയുന്നു.