സാരംഗ് നീ വിജയിച്ചു!, ആറ് പേർക്ക് പുതുജീവനേകി വിട പറഞ്ഞ സാരംഗിന് എസ്.എസ്.എൽ.സി പരീക്ഷയിൽ ഫുൾ എപ്ലസ്, വിതുമ്പി മന്ത്രി

വാഹനാപകടത്തെ തുടർന്ന് മസ്‌തിഷ്‌ക മരണമടഞ്ഞ ആറ്റിങ്ങൽ സ്വദേശി സാരംഗ് (16) ൻ്റെ എസ്.എസ്.എൽ.സി ഫലം പുറത്തു വന്നു. എല്ലാ വിഷയങ്ങളിലും ഗ്രേസ് മാർക്കില്ലാതെ തന്നെ എ പ്ലസ് നേടിയാണ് സാരംഗ് വിജയിച്ചത്. ഏറെ വിഷമത്തോടെ വിദ്യാഭ്യാസ മന്ത്രി വി.ശിവൻകുട്ടിയാണ് രജിസ്റ്റർ നമ്പർ ഉദ്ധരിച്ചാണ് വാർത്താ സമ്മേളനത്തിൽ ഫലം പുറത്തുവിട്ടത്. അതേ സമയം ഇനി 6 പേർക്ക് പുതുജീവനേകിയാണ് സാരംഗ് വിട പറഞ്ഞത്. മസ്‌തിഷ്‌ക മരണം സ്ഥിതീകരിച്ച സാരം​ഗിന്റെ അവയവങ്ങൾ ദാനം ചെയ്യാനായി തീരുമാനിച്ചു. കഴിഞ്ഞ 6നായിരുന്നു സാരം​ഗിന് അപകടം സംഭവിച്ചത്.