%20(15)%20(29).jpg)
ആനന്ദപുരത്ത് ക്ഷേത്രകുളത്തില് കുളിക്കാന് ഇറങ്ങിയ വിദ്യാര്ത്ഥിയെ കാണാതായി. ആനന്ദപുരം മഹാവിഷ്ണു ക്ഷേത്രത്തിന്റെ കുളത്തില് കുളിക്കാന് ഇറങ്ങിയ ചാലക്കുടി സ്വദേശിയായ ആദര്ശ് വി യു (20) എന്ന വിദ്യാര്ത്ഥിയെയാണ് കാണാതായത്.
ചാലക്കുടി ഐ ടി ഐ വിദ്യാര്ത്ഥിയായ ആദര്ശ് മറ്റ് രണ്ട് സുഹൃത്തുക്കള്ക്കൊപ്പമാണ് കുളത്തില് കുളിക്കാന് എത്തിയത്. കുളത്തിന്റെ മറുകരയിലേയ്ക്ക് നീന്തുന്നതിനിടെ മുങ്ങി പോവുകയായിരുന്നുവെന്ന് സുഹൃത്തുക്കള് പറഞ്ഞു. ഇരിങ്ങാലക്കുട ഫയര്ഫോഴ്സിന്റെ നേതൃത്വത്തില് രണ്ട് മണിക്കൂറോളമായി കുളത്തില് തിരച്ചില് നടത്തിയിട്ടും കണ്ടെത്താന് ആയിട്ടില്ല. തിരച്ചില് തുടരുകയാണ്.
0 Comments