സ്വന്തം ഉപയോഗത്തിന് വാങ്ങിക്കൊണ്ടു വന്ന എംഡിഎംഎയുമായി യുവാവ് പിടിയിൽ

പത്തനംതിട്ട : എം ഡി എം എ യുമായി യുവാവിനെ ഡാൻസാഫ് സംഘവും അടൂർ പോലീസും ചേർന്ന് പിടികൂടി. അടൂർ പെരിങ്ങനാട് മേലൂട് പത്താം മൈൽ കരിംകുറ്റിക്കൽ സ്വരലയയിൽ ഷൈൻ (26) ആണ് അറസ്റ്റിലായത്. ഇയാളിൽ നിന്നും അര ഗ്രാമോളം എം ഡി എം എ പിടിച്ചെടുത്തു. സ്വന്തം ഉപയോഗത്തിന് വാങ്ങിക്കൊണ്ടുവരും വഴിയാണ് യുവാവ് പോലീസിന്റെ പിടിയിലായത്. പ്രതിയെ പോലീസ് വിശദമായി ചോദ്യം ചെയ്തു.

ജില്ലാ പോലീസ് മേധാവിയുടെ നിർദേശപ്രകാരം അന്വേഷണം ഊർജിതമാക്കി. അടൂർ പോലീസ് സബ് ഇൻസ്‌പെക്ടർ മനീഷ്, എസ് സി പി ഓ അനീഷ്, സി പി ഓ സൂരജ് എന്നിവരുടെ സംഘത്തോടൊപ്പം ഡാൻസാഫ് എസ് ഐ അജി സാമൂവൽ, എ എസ് ഐ അജികുമാർ, സി പി ഓമാരായ മിഥുൻ ജോസ്, ബിനു, ശ്രീരാജ്, അഖിൽ, സുജിത് എന്നിവരും ചേർന്നാണ് പ്രതിയെ വിദഗ്ദ്ധമായി കുടുക്കിയത്.