വീട്ടിലേക്ക് ഓടിക്കയറി വീട്ടമ്മയെ ആക്രമിച്ചു, ശേഷം സ്വര്‍ണം കവര്‍ന്നു; യുവാവ് പോലീസ് പിടിയില്‍

മാനന്തവാടി : വീട്ടമ്മയെ ആക്രമിച്ച് പരിക്കേല്‍പ്പിച്ച് സ്വര്‍ണം കവര്‍ന്ന കേസിലെ പ്രതിയെ പോലീസ് അറസ്റ്റ് ചെയ്തു.അടൂര്‍ പന്നിവിള ലിനുഭവനില്‍ റോഷന്‍ എന്ന ലിജുവിനെ ആണ് തിരുനെല്ലി പോലീസ് പിടികൂടിയത്. കഴിഞ്ഞ ദിവസം വയനാട് തോല്‍പ്പെട്ടി ചെക്ക്‌പോസ്റ്റിന് സമീപത്തെ വീട്ടിലായിരുന്നു മോഷണം നടന്നത്. പുലര്‍ച്ചെ ആറ് മണിയോടെയായിരുന്നു സംഭവം.

വീട്ടിലേക്ക് ഓടിക്കയറിയ പ്രതി വീട്ടമയെ ആക്രമിച്ച് കഴുത്തിലെ സ്വര്‍ണ്ണമാല പൊട്ടിച്ച് രക്ഷപ്പെടുകയായിരുന്നു. ആക്രമണത്തില്‍ വീട്ടമ്മയുടെ തലക്ക് പരിക്കേറ്റിട്ടുണ്ട്. രണ്ട് പവന്‍ സ്വര്‍ണ്ണമാലയാണ് പ്രതി കവര്‍ന്നത്. കവര്‍ച്ച ചെയ്തത്. മോഷണം നടന്ന് മണിക്കൂറുകള്‍ക്കുള്ളില്‍ തന്നെ പ്രതിയെ തിരിച്ചറിഞ്ഞിരുന്നു. തുടന്ന് നടത്തിയ പരിശോധനയിലാണ് പ്രതിയെ പിടികൂടിയത്.