ചാന്ദ്രയാന്‍ 3ന്റെ ലാന്‍ഡിങ് വീഡിയോ പുറത്ത്!, ലാന്‍ഡറിലെ മൂന്ന് ഉപകരണങ്ങള്‍ പ്രവര്‍ത്തിച്ചു തുടങ്ങി, ആദ്യ ദൃശ്യങ്ങൾ ഇതാ

ചന്ദ്രോപരിതലത്തിലെത്തിയ വിക്രം ലാന്‍ഡറിന്റെ 4 ഉപകരണങ്ങളില്‍ 3 എണ്ണം പ്രവര്‍ത്തിക്കാന്‍ തുടങ്ങിയതോടെ പഠനങ്ങള്‍ പുരോഗമിക്കുകയാണ്. ചന്ദ്രോപരിതലത്തിലെ പ്ലാസ്മ സാന്ദ്രതയും അതിന്റെ മാറ്റങ്ങളും പഠിക്കാനുള്ള രംഭ-എല്‍പി, ചന്ദ്രന്റെ ധ്രുവപ്രദേശത്തെ ഉപരിതല താപനില പഠിക്കുന്ന ചന്ദ്രാസ് സര്‍ഫസ് തെര്‍മോഫിസിക്കല്‍ എക്‌സ്‌പെരിമെന്റ് (ചാസ്‌തേ), ചന്ദ്രനിലെ ഭൂകമ്പ സാധ്യത അളക്കുന്ന ഇന്‍സ്ട്രുമെന്റ് ഫോര്‍ ലൂണാര്‍ സീസ്മിക് ആക്ടിവിറ്റി (ഇല്‍സ) എന്നീ ഉപകരണങ്ങളാണു പ്രവര്‍ത്തിക്കാന്‍ തുടങ്ങിയത്.

41 ദീവസം നീണ്ട ദൗത്യത്തിനൊടുവിലാണ് ചന്ദ്രയാന്‍ 3 ഇന്നലെ വൈകീട്ട് 6.06ന് ചന്ദ്രോപരിതലത്തില്‍ ഇറങ്ങിയത്. ചന്ദ്രയാനിലെ പ്രഗ്യാന്‍ റോവറിന്റെ ചക്രങ്ങള്‍ ചന്ദ്രനില്‍ പതിച്ചതോടെ ഇന്ത്യയുടെ ദേശീയ ചിഹ്നമായ അശോക സ്തംഭവും ഐഎസ്ആര്‍ഒയുടെ ലോഗോയും ചന്ദ്രോപരിതലത്തില്‍ പതിഞ്ഞു. ഇന്ത്യയ്ക്കും ലോകത്തിന് മുന്നിലും ഒരു ചരിത്ര നിമിഷമായിരുന്നു ചന്ദ്രയാന്‍ 3ന്റെ ലാന്‍ഡിങ്