കൊല്ലം : കൊല്ലത്ത് റെയിൽവേ സ്റ്റേഷനിൽ വെച്ച് യുവാവിനെ കുത്തിക്കൊന്നു. അഞ്ചാലുംമൂട് കരുവ സ്റ്റേഡിയം ജംങ്ഷന് സമീപം കളീലിൽ ചിറയിൽ വീട്ടിൽ അനീഷ് ആണ് മരിച്ചത്. കൊല്ലം റെയിൽവേ സ്റ്റേഷനിലുണ്ടായ തർക്കത്തെ തുടർന്ന് യുവാവിന് കുത്തേല്ക്കുകയായിരുന്നു എന്നാണ് വിവരം. ഗുരുതര പരിക്കേറ്റ ഇയാളെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. അക്രമകാരണമോ പ്രതിയെ സംബന്ധിച്ച വിവരങ്ങളോ ലഭ്യമല്ല.
വൈകീട്ട് 5.50 ന് കൊല്ലം റെയിൽവേ സ്റ്റേഷനിലെ ഒന്നാം നമ്പർ പ്ലാറ്റ് ഫോമിലാണ് അവശനിലയിൽ യുവാവിനെ യാത്രക്കാർ കണ്ടത്. എവിടെ വച്ചാണ് കുത്തേറ്റതെന്നോ , ആരാണ് ആക്രമിച്ചതെന്നോ വ്യക്തമല്ല.
അതേ സമയം യുവാവിൻ്റെ മരണ മൊഴി പുറത്തു വന്നു. മാഹീൻ എന്ന ആളാണ് തന്നെ കുത്തിപ്പരിക്കേല്പിച്ചതെന്നാണ് വീഡിയോയിൽ പറയുന്നത്. അനീഷിൻ്റെ മൃതദേഹം പാരിപ്പള്ളി മെഡിക്കൽ കോളേജ് ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റുമാർട്ടം നടപടികൾക്ക് ശേഷം മൃതദേഹം ഇന്ന് ബന്ധുക്കൾക്ക് വിട്ടുനൽകും. സംഭവത്തിൽ പോലീസ് അന്വേഷണം ആരംഭിച്ചു.
0 Comments