ഇത്തവണത്തെ ഓണസദ്യ പാരിപ്പള്ളി ഗവൺമെൻ്റ് മെഡിക്കൽ കോളേജിൽ!, പൊതിച്ചോറിന് പകരം സദ്യയായിട്ടായിരുന്നു ഇന്നത്തെ ഭക്ഷണവിതരണം, ഓണസദ്യയെക്കുറിച്ചുള്ള കുറിപ്പുമായി എം.നൗഷാദ് എം.എൽ.എ

കൊല്ലം : ഓണാഘോഷങ്ങൾ പലവിധമാണ് കൂടുതൽ പേരും ഓണം കുടുംബവുമൊത്താവും ആഘോഷിക്കാൻ തുനിയുക. എന്നാൽ  വഖഫ് ബോർഡ് അംഗവും ഇരവിപുരം എം.എൽ.എയുമായിരുന്ന എം.നൗഷാദ് തൻ്റെ ഈ വർഷത്തെ ഓണാഘോഷം എങ്ങനെയെന്ന് വിവരിക്കുകയാണ്. പാരിപ്പള്ളി സർക്കാർ മെഡിക്കൽ കോളേജിൽ ഡി.വൈ.എഫ്.ഐ ഒരുക്കിയ ഓണസദ്യയിൽ പങ്കെടുത്ത സന്തോഷമാണ് എം.എൽ.എ ഫേസ്ബുക്ക് കുറിപ്പിലൂടെ പങ്കുവെയ്ക്കുന്നത്. 

കാലങ്ങളായി രോഗികൾക്കും കൂട്ടിരുപ്പുകാർക്കും മുടങ്ങാതെ ഉച്ചഭക്ഷണം എത്തിക്കുന്ന ഡി വൈ എഫ് ഐ യുടെ ഹൃദയപൂർവ്വം പദ്ധതിയുടെ ഭാഗമായ ഓണസദ്യയിൽ...

പൊതിച്ചോറിന് പകരം

സദ്യയായിട്ടായിരുന്നു ഇന്നത്തെ ഭക്ഷണവിതരണം. രോഗികൾ, കൂട്ടിരിപ്പുകാർ, ആരോഗ്യപ്രവർത്തകർ, ഡോക്ടർമാർ, ജീവനക്കാർ, ഡി വൈ എഫ് ഐ പ്രവർത്തകർ എന്നിവർക്കൊപ്പമായൊരുന്നു സദ്യ.

അങ്ങനെ ഈ ഓണവും സന്തോഷത്തിന്റെതായി

നിലവിൽ സി.പി.ഐ.എം ജില്ലാ കമ്മിറ്റി അംഗമാണ് എം.നൗഷാദ്. കൊല്ലം കോർപ്പറേഷൻ സ്ഥിരം സമിതി അദ്ധ്യക്ഷൻ, ഡെപ്യൂട്ടി മേയർ എന്നീ നിലകളിൽ പ്രവർത്തിച്ചിട്ടുണ്ട്. സി.പി.എം പാർട്ടിയിൽ നിന്നുള്ള ആദ്യ വഖഫ് ബോർഡ് അംഗം കൂടിയാണ് ഇദ്ദേഹം.