എട്ടു വയസ്സുകാരി പീഡനത്തിനിരയായ സംഭവം യാദൃശ്ചികമല്ലെന്ന് പോലീസ്!, പ്രതി കൃത്യം നടത്തിയത് ആസൂത്രികമായി, ക്രിസ്റ്റിൻ രാജ് 14 ദിവസത്തേക്ക് റിമാൻഡിൽ

എറണാകുളം : ആലുവയിൽ എട്ടു വയസ്സുകാരി പീഡനത്തിനിരയായ സംഭവം യാദൃശ്ചികമല്ലെന്ന് പോലീസ്. പ്രതി ക്രിസ്റ്റിൻ രാജ് ആസൂത്രികമായാണ് കുട്ടിയുടെ വീട്ടിൽ മോഷ്ടിക്കാനെത്തിയതെന്നും നേരത്തെ പരിസരവുമായി പ്രതിക്ക് ബന്ധമുണ്ടെന്നുമാണ് പോലീസ് നൽകുന്ന സൂചന. എടയപ്പുറത്ത് വാടകയ്ക്ക് താമസിച്ചിരുന്ന അന്യസംസ്ഥാന തൊഴിലാളിയുടെ എട്ട് വയസ്സുകാരിയായ മകളെയാണ് ക്രിസ്റ്റിൻ രാജ് രാത്രി വീട്ടിൽനിന്ന് തട്ടിക്കൊണ്ടു പോയി സമീപത്തെ പാടശേഖരത്തിൽ വെച്ച് പീഡനത്തിനിരയാക്കിയത്. അന്വേഷണത്തിൽ വ്യാഴാഴ്ച വൈകീട്ട് മൂന്നു മണിയോടെ പ്രതി പോലീസ് പിടിയിലായിരുന്നു.