കൊളംബോയിലെ ആര്‍. പ്രേമദാസ ഇന്റര്‍നാഷണല്‍ ക്രിക്കറ്റ് സ്റ്റേഡിയത്തില്‍ നടക്കുന്ന ഏഷ്യാ കപ്പിന്റെ സൂപ്പര്‍ ഫോര്‍ സ്റ്റേജില്‍ ഇന്ത്യ ഇന്ന് ശ്രീലങ്കയെ നേരിടും. പാകിസ്ഥാനെതിരെ മിന്നും ജയം നേടിയെത്തുന്ന ഇന്ത്യ തികഞ്ഞ ആത്മവിശ്വാസത്തിലാണ്.
എന്നിരുന്നാലും, മഴദൈവങ്ങള്‍ ശ്രീലങ്കയിലെ ഗ്രൗണ്ടുകളെ ഇന്നും കീഴടക്കും എന്നതില്‍ സംശയമില്ല. മഴ വീണ്ടും മത്സര സമയത്തെ കൊള്ളയടിക്കാന്‍ സാധ്യതയുണ്ട്. അക്യുവെതറിന്റെ റിപ്പോര്‍ട്ട് അനുസരിച്ച്, സെപ്തംബര്‍ 12 ന് ഉച്ചകഴിഞ്ഞ് മഴ പെയ്യാനുള്ള സാധ്യത 84 ശതമാനമാണ്.
മത്സരം ആരംഭിക്കുന്ന സമയത്ത് ഇടിമിന്നലിനുള്ള സാധ്യത 34 ശതമാനമാണ്. ചില നല്ല റിപ്പോര്‍ട്ടുകളില്‍, ദിവസം പുരോഗമിക്കുമ്പോള്‍ 55 ശതമാനം മഴ പെയ്യാന്‍ സാധ്യതയുണ്ട്. അതായത് കളി ഓവര്‍ വെട്ടിച്ചുരുക്കേണ്ടി വന്നാലും നടന്നേക്കാം.
ഏഷ്യാകപ്പ് ക്രിക്കറ്റ് സൂപ്പര്‍ ഫോറിലെ ആദ്യ മത്സരത്തില്‍ പാകിസ്ഥാനെതിരെ 228 റണ്‍സിന്റെ വിജയമാണ് ഇന്ത്യ കുറിച്ചത്. ഇന്ത്യ ഉയര്‍ത്തിയ 357 റണ്‍സ് വിജയ ലക്ഷ്യം പിന്തുടര്‍ന്ന പാകിസ്ഥാന്‍ 32 ഓവറില്‍ 128 റണ്‍സിന് ഓള്‍ഔട്ടായി. ഇന്ത്യയ്ക്കായി കുല്‍ദീപ് യാദവ് അഞ്ച് വിക്കറ്റ് വീഴ്ത്തി.
0 Comments