ഗൂഗിള്‍ മാപ്പ് നോക്കി സഞ്ചരിച്ചു; കാര്‍ പുഴയിലേക്ക് വീണ് 2 ഡോക്ടർമാർ മരിച്ചു traveled-by-looking-at-google-maps-2-doctors-died-when-the-car-fell-into-the-river

കൊച്ചി : എറണാകുളത്ത് കാര്‍ പുഴയിലേക്ക് മറിഞ്ഞ് രണ്ട് ഡോക്ടര്‍മാര്‍ മരിച്ചു. രാത്രി 12.30 ഓടെ ഗോതുരുത്ത് കടല്‍വാതുരുത്ത് പുഴയിലാണ് അപകടം. അഞ്ചംഗസംഘം സഞ്ചരിച്ച കാര്‍ ആണ് പുഴയിലേക്ക് മറിഞ്ഞത്.

കൊടുങ്ങല്ലൂര്‍ സ്വകാര്യ ആശുപത്രിയിലെ ഡോ. അദ്വൈത്, ഡോ. അജ്മല്‍ എന്നിവരാണ് മരിച്ചത്. മൂന്ന് പേരെ രക്ഷപെടുത്തി. ഗൂഗിള്‍ മാപ്പ് നോക്കി യാത്ര ചെയ്യവെയാണ് അപകടമെന്നാണ് വിവരം.