കൊച്ചി മെട്രോയില്‍ ഇന്ന് 20 രൂപയ്‌ക്ക് യാത്ര ചെയ്യാം

കൊച്ചി : കൊച്ചി മെട്രോയില്‍ ഇന്ന് 20 രൂപയ്‌ക്ക് യാത്ര ചെയ്യാം. ഗാന്ധി ജയന്തി ദിനാഘോഷത്തോട് അനുബന്ധിച്ചാണ് ഈ ഓഫർ. മിനിമം ദൂരത്തിനുള്ള ടിക്കറ്റ് നിരക്കായ 10 രൂപ ഒക്ടോബര്‍ രണ്ടിനും തുടരും. 60 രൂപ ഈടാക്കുന്ന ദൂരം ഇന്ന് 20 രൂപയ്‌ക്ക് സഞ്ചരിക്കാനാകും.

പേപ്പര്‍ ക്യു ആര്‍, മൊബൈല്‍ ക്യു ആര്‍, കൊച്ചി വണ്‍ കാര്‍ഡ് എന്നിവയ്‌ക്ക് ഈ പ്രത്യേക ഇളവ് ലഭിക്കും. കൊച്ചി വണ്‍ കാര്‍ഡ് ഉപഭോക്താക്കള്‍ക്ക് ഇളവ് ക്യാഷ് ബാക്ക് ആയി ലഭിക്കും. രാവിലെ 6 മുതൽ 10.30 വരെ ഇന്നേദിവസം മറ്റ് ഓഫറുകൾ ലഭ്യമായിരിക്കില്ല.