.jpg)
പാലക്കാട് : പന്നിക്കുവെച്ച വൈദ്യുതി കെണിയില് കുടുങ്ങി വയോധിക മരിച്ചു. വണ്ടാഴി കരൂര് പുത്തന്പുരയ്ക്കല് ഗ്രെയ്സി (63) ആണ് മരിച്ചത്. വീടിനോടു ചേര്ന്നുള്ള കൃഷിയിടത്തിലാണ് മൃതദേഹം കണ്ടെത്തിയത്. ഇന്ന് രാവിലെ സ്വന്തം കപ്പത്തോട്ടത്തില് മരിച്ച നിലയില് ഗ്രെയ്സിയെ കണ്ടെത്തുകയായിരുന്നു. ഒറ്റക്ക് താമസിക്കുന്ന ഗ്രെയ്സി സ്വന്തം കൃഷിയിടത്തില് പന്നിയെ പിടികൂടുന്നതിനായി കെണിവെച്ചപ്പോള് അബദ്ധത്തില് വൈദ്യുതാഘാതം ഏറ്റതാണെന്നാണ് വിവരം.
രാവിലെ മീന് വില്ക്കാനെത്തിയ ആളാണ് മൃതദേഹം കണ്ടത്. ഇന്ക്വസ്റ്റ് നടപടികള്ക്കുശേഷം മൃതദേഹം പോസ്റ്റ്മോര്ട്ടത്തിനായി പാലക്കാട് ജില്ല ആശുപത്രിയിലേക്ക് മാറ്റും. സംഭവത്തില് പൊലീസ് അന്വേഷണം ആരംഭിച്ചു.
0 Comments