സഞ്ജു ടീമിൽ നിന്ന് പുറത്താകാൻ കാരണം മോശം പ്രകടനമല്ല!, ബാക്കി ഉള്ളവര്‍ അവസരങ്ങള്‍ നന്നായി ഉപയോഗിച്ചു, മുൻ താരം ടിനു യോഹന്നാൻ

സഞ്ജു സാംസണ്‍ ലോകകപ്പ് ടീമില്‍ ഇല്ലാത്തത് നിരാശാജനകമാണ് എന്ന് മുൻ ഇന്ത്യൻ താരം ടിനു യോഹന്നാൻ. എന്നാല്‍ സഞ്ജു ടീമില്‍ ഇല്ലാതിരിക്കാൻ കാരണം സഞ്ജുവിന്റെ പ്രകടനമല്ല എന്ന് അദ്ദേഹം പറഞ്ഞു.ടി20 ലോകകപ്പിന് ശേഷം, സഞ്ജുവിന് ഏകദിന ലോകകപ്പില്‍ കളിക്കാനുള്ള കൃത്യമായ അവസരമുണ്ടെന്ന് ഞങ്ങള്‍ എല്ലാവരും കരുതി, പക്ഷേ അത് നടന്നില്ല. ടിനു പറഞ്ഞു.

എന്നെ സംബന്ധിച്ചിടത്തോളം, അദ്ദേഹത്തിന് ലഭിച്ച അവസരങ്ങളിലല്ല അദ്ദേഹത്തിന്റെ പ്രകടനത്തെക്കാള്‍, ടീമിലെ അദ്ദേഹത്തിന്റെ എതിരാളികള്‍ നല്ല പ്രകടനം കൊണ്ട് അദ്ദേഹത്തെ മറികടന്നുവെന്നാണ് ഞാൻ കരുതുന്നത്.

 ഇഷാൻ കിഷനോ, കെ എല്‍ രാഹുലോ, ശ്രേയസ് അയ്യരോ ആരുമാകട്ടെ, അവസരം ലഭിച്ചവര്‍ ആരായാലും അവര്‍ ഗംഭീര പ്രകടനം നടത്തി. കിട്ടിയ പരിമിതമായ അവസരങ്ങള്‍ അവര്‍ പരമാവധി പ്രയോജനപ്പെടുത്തി. ടിനു പറയുന്നു. സഞ്ജു പ്രകടനം നടത്താത്തതിനേക്കാള്‍ മറ്റുള്ളവരുടെ പ്രകടനങ്ങള്‍ ആണ് അദ്ദേഹത്തിന്റെ അവസരങ്ങള്‍ കുറച്ചത്. ഇത് ഇന്ത്യൻ ക്രിക്കറ്റിന് നല്ലത്. സഞ്ജു തിരിച്ചു വരും. അവൻ കഠിനാധ്വാനം ചെയ്യുന്നു. ടിനു  പറഞ്ഞു.