അഞ്ചാലുംമൂട് കരുവയിൽ വീട്ടിൽ സൂക്ഷിച്ചിരുന്ന ഇരു ചക്ര വാഹനം അജ്ഞാതൻ കത്തിച്ചു!, സി.സി.ടി.വി ദൃശ്യങ്ങൾ കേന്ദ്രീകരിച്ച് അന്വേഷണം, സ്കൂട്ടർ പൂർണ്ണമായും കത്തി

അഞ്ചാലുംമൂട് : തൃക്കരുവ ഗ്രാമപഞ്ചായത്ത് ഓഫീസിനു സമീപം വീട്ടിൽ സൂക്ഷിച്ചിരുന്ന ഇരു ചക്ര വാഹനം  അജ്ഞാതൻ കത്തിച്ചു. തെക്കേച്ചേരി കവിത ഭവനിൽ ജഗധമ്മയുടെ ഉടമസ്ഥതയിലുള്ള സ്കൂട്ടറാണ് ഇന്നലെ രാത്രി 11:30 യോടെ അജ്ഞാതൻ തീവച്ചു നശിപ്പിച്ചത്. ഇവരുടെ മകൾ വാടകയ്ക്ക്  താമസിക്കുന്നതായ പുളിയുടെ മൂട്ടിൽ മുക്കിലെ വീട്ടിലാണ് വാഹനം സൂക്ഷിച്ചിരുന്നത്.   രാത്രിയോടെ അയൽവാസി വിളിച്ചറിയിച്ചതോടെ പുറത്തിറങ്ങിയപ്പോഴാണ് വാഹനം കത്തുന്നതായി ശ്രദ്ധയിൽപ്പെട്ടത് പിന്നാലെ  തീയണക്കാൻ ശ്രമം നടത്തിയെങ്കിലും വാഹനം പൂർണ്ണമായും കത്തി നശിച്ചു.