കാഞ്ഞിരംകുഴി മർവ്വ യുവജന വേദിയുടെ ആഭിമുഖ്യത്തിൽ സംഘടിപ്പിക്കുന്ന മുഹിയ്ദ്ദീൻ ശൈഖ് ജീലാനി ആണ്ടുനേർച്ചയ്ക്ക് ഇന്ന് തുടക്കമാകും

അഞ്ചാലുംമൂട് : കാഞ്ഞിരംകുഴി മർവ്വ യുവജന വേദിയുടെ ആഭിമുഖ്യത്തിൽ സംഘടിപ്പിക്കുന്ന മുഹിയ്ദ്ദീൻ ശൈഖ് (റ) ജീലാനി ആണ്ടുനേർച്ചയും ദുആ സമ്മേളനവും 3, 4, 5 തീയതികളിൽ കാഞ്ഞിരംകുഴി മർവാ നഗറിൽ നടക്കും. നവംബർ 3 വെള്ളിയാഴ്ചയായ ഇന്ന് അസർ നിസ്കാരാനന്തരം മഖാം സിയാറത്തോടെ പരിപാടികൾക്ക് ഔപചാരിക തുടക്കം കുറിക്കും.  നവംബർ നാല് ശനിയാഴ്ചയായ നാളെ രാത്രി എട്ടുമണി മുതൽ ജീലാനി അനുസ്മരണ പ്രഭാഷണം അൽ ഉസ്താദ് മുസ്തഫ സഅദി കുളപ്പാടത്തിന്റെ നേതൃത്വത്തിൽ നടക്കും. തുടർന്ന് അന്നേദിവസം രാത്രിയിൽ 9 മണി മുതൽ കേരള ഫോക് ലോർ അക്കാഡമി വൈസ് ചെയർമാൻ ഡോക്ടർ കോയ കാപ്പാട് നേതൃത്വം നൽകുന്ന മദ്ഹ് രാവ് വേദിയിൽ നടക്കും. നവംബർ 5 ഞായറാഴ്ച വൈകിട്ട് 4 മണി മുതൽ മുഹമ്മദ് ഷഫീഖ് ഫാളിലി സുൽത്താനി, മുഹമ്മദ് ഉനൈസ് സുൽത്താനി തുടങ്ങിയവരുടെ നേതൃത്വത്തിൽ ജീലാനി റാത്തീബ് മജ്ലിസും രാത്രി എട്ടുമണി മുതൽ ജീലാനി അനുസ്മരണ സമ്മേളനവും നടക്കും. സമ്മേളനം അഡ്വക്കേറ്റ് സലാഹുദ്ദീൻ അയ്യൂബി ഉദ്ഘാടനം ചെയ്യും കണ്ടച്ചിറ മുസ്ലിം ജമാഅത്ത് ചീഫ് ഇമാം  അയ്യൂബ് മഹ്ളരിയുടെ മുഖ്യപ്രഭാഷണവും തുടർന്ന് അസ്സൈദ് ഹാഷിം തങ്ങൾ അസഖാഫ് ഐലക്കാട് നേതൃത്വം നൽകുന്ന ദുആ സമ്മേളനവും രാത്രി 10 മണിയോടെ അന്നദാനവും നടക്കും.