കേരള റിയൽ എസ്റ്റേറ്റ് വർക്കേഴ്സ് യൂണിയൻ്റെ പതിമൂന്നാമത് സംസ്ഥാന പ്രതിനിധി സമ്മേളനം കൊല്ലത്ത് നടന്നു!, വ്യാജ കമ്മിറ്റികൾ നിർമ്മിക്കുന്ന ആളുകൾക്കെതിരെ അംഗങ്ങളും പൊതുജനങ്ങളും ജാഗരൂകരാകണമെന്ന് ജനറൽ സെക്രട്ടറി അബ്ദുൽസലാം എം.കെ

സ്വന്തം ലേഖകൻ

കേരള റിയൽ എസ്റ്റേറ്റ് വർക്കേഴ്സ് യൂണിയൻ്റെ പതിമൂന്നാമത് സംസ്ഥാന പ്രതിനിധി സമ്മേളനം കൊല്ലത്ത് നടന്നു. കൊല്ലം പട്ടത്താനം കൊച്ചമ്മനട ആഡിറ്റോറിയത്തിൽ നടന്ന യോഗം സംസ്ഥാന ജനറൽ സെക്രട്ടറി അബ്ദുൽസലാം എം.കെ ഉദ്ഘാടനം ചെയ്തു. കേരള റിയൽ എസ്റ്റേറ്റ് വർക്കേഴ്സ് യൂണിയൻ എന്ന അംഗീകൃത സംഘടനയുടെ പേരുപയോഗിച്ച് വ്യാജ കമ്മിറ്റികൾ നിർമ്മിക്കുന്ന ആളുകൾക്കെതിരെ അംഗങ്ങളും പൊതുജനങ്ങളും ജാഗരൂകരാകണമെന്ന് ഉദ്ഘാടന പ്രസംഗത്തിൽ അദ്ദേഹം പറഞ്ഞു. ഇത്തരം ആളുകൾക്കെതിരെ കോടതി മുഖാന്തരം നിയമനടപടികൾ സ്വീകരിച്ചുവരികയാണെന്നും ഇത്തരക്കാരുടെ പൊയ്മുഖങ്ങൾ വലിച്ചുകീറപ്പെടുമെന്നും അദ്ദേഹം വ്യക്തമാക്കി.

സംസ്ഥാന പ്രസിഡൻ്റ് അജി രാമസ്വാമിയുടെ അധ്യക്ഷതയിൽ ചേർന്ന യോഗത്തിൽ കെ.ആർ.ഡബ്ലിയു.യു കൊല്ലം ജില്ലാ പ്രസിഡൻറ് മോഹനൻ പിള്ള സ്വാഗതം പറഞ്ഞു. സംസ്ഥാന വൈസ് പ്രസിഡന്റുമാരായ ടോണി തോമസ്, സജിത ബീവി, സോമനാഥ് ആർ, ജോയിൻ സെക്രട്ടറിമാരായ രാജേഷ് ആർ, ഡാനിഷ് എസ്, പുഷ്പലത സി,  കൊല്ലം ജില്ലാ സെക്രട്ടറി അനസ്.എസ്,  രാജേഷ്.ആർ, ഷാജു.എസ്, പങ്കജാക്ഷൻ, താഹ.എ തുടങ്ങിയവർ ചടങ്ങിന് ആശംസ അർപ്പിച്ച് സംസാരിച്ചു. കെ.ആർ.ഡബ്ലിയു.യു ജനറൽ സെക്രട്ടറി എം കെ അബ്ദുൽസലാം സംഘടന റിപ്പോർട്ട് അവതരിപ്പിച്ചു. 2023 വർഷത്തെ വരവ് ചിലവ് കണക്ക് സംസ്ഥാന ട്രഷറർ കൃഷ്ണൻ ടി പി അവതരിപ്പിച്ചു. സുബ്രഹ്മണ്യൻ.ആർ നന്ദി പ്രകാശിപ്പിച്ചു.