‘കേരളത്തിന്റെ കടമെടുപ്പ് തീരുമാനിക്കേണ്ടത് കേന്ദ്ര സ​ർ​ക്കാ​രല്ല’!, സുപ്രീം കോടതിയിൽ കടത്തിൻ്റെ കാര്യത്തിൽ കേന്ദ്രവും സംസ്ഥാനവും തമ്മിൽ വാക്പോര്, ഇന്ന് ഇടക്കാല ഉത്തരവുണ്ടായേക്കും

ന്യൂ​ഡ​ൽ​ഹി : കേ​ര​ള​ത്തി​ന്റെ ക​ട​മെ​ടു​പ്പ് കേ​ന്ദ്ര സ​ർ​ക്കാ​ർ തീ​രു​മാ​നി​ക്കേ​ണ്ടെ​ന്നും അ​തി​നു​ള്ള അ​ധി​കാ​രം അ​വ​ർ​ക്കി​ല്ലെ​ന്നും സം​സ്ഥാ​ന സ​ർ​ക്കാ​ർ സു​പ്രീം​കോ​ട​തി​യി​ൽ ബോ​ധി​പ്പി​ച്ചു. തങ്ങളുടെ സാമ്പത്തിക കാര്യങ്ങൾ നിയന്ത്രിക്കുന്ന ആളെ പോലെയാണു കേന്ദ്ര സർക്കാർ പെരുമാറുന്നതെന്നു കേരളം ആരോപിച്ചു. കടമെടുപ്പു പരിധി വർധനയെന്ന സംസ്ഥാനത്തിന്റെ ആവശ്യം നിയമപരമായ അവകാശമാണെന്ന് ആവർത്തിച്ച് വാദമുന്നയിക്കുകയായിരുന്നു കേരളം. എന്നാൽ, സാമ്പത്തിക സൂചകങ്ങളി‍ൽ കേരളം പരിതാപകരമായ അവസ്ഥയിലാണെന്നും അതിരുവിട്ട കടമെടുപ്പിന്റെ സമീപകാല ചരിത്രം കേരളത്തിനുണ്ടെന്നും ആവശ്യത്തെ എതിർത്തുകൊണ്ടു കേന്ദ്ര സർക്കാർ തിരിച്ചടിച്ചു. സം​സ്ഥാ​ന​ങ്ങ​ളു​ടെ ക​ട​മെ​ടു​പ്പ് നി​ർ​ണ​യി​ക്കാ​നു​ള്ള അ​ധി​കാ​രം ധ​ന ക​മീ​ഷ​നാ​ണെ​ന്നും കേ​ര​ള​ത്തി​നു​വേ​ണ്ടി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ ക​പി​ൽ സി​ബ​ൽ കൂ​ട്ടി​ച്ചേ​ർ​ത്തു. കേ​ര​ള​ത്തി​ന്റെ ക​ട​മെ​ടു​പ്പ് കേ​സി​ലെ അ​ന്തി​മ​വാ​ദ​ത്തി​ന്റെ ആ​ദ്യ​ദി​വ​സം ത​ങ്ങ​ളു​ടെ നി​ല​പാ​ട് അ​വ​ത​രി​പ്പി​ക്കു​ക​യാ​യി​രു​ന്നു ഇ​രു​പ​ക്ഷ​വും.

15ാം ധ​ന​ക​മീ​ഷ​ൻ ശി​പാ​ർ​ശ​പ്ര​കാ​ര​മാ​ണ് 10,000 കോ​ടി​യു​ടെ ക​ട​മെ​ടു​പ്പി​ന് അ​നു​മ​തി തേ​ടി​യ​തെ​ന്ന് സി​ബ​ൽ ചൂ​ണ്ടി​ക്കാ​ട്ടി. കേ​ര​ള​ത്തി​ന്റെ ധ​ന​ക്ക​മ്മി പ​രി​ധി​യി​ലും കു​റ​വാ​ണ്. ധ​ന​ക​മീ​ഷ​ൻ വി​ദ​ഗ്ധ​രു​ടെ ഭ​ര​ണ​ഘ​ട​നാ​വേ​ദി​യാ​ണ്. കേ​ന്ദ്ര സ​ർ​ക്കാ​റി​ന് ഈ ​ക​മീ​ഷ​ന്റെ ഭ​ര​ണ​ഘ​ട​നാ​പ​ര​മാ​യ അ​ധി​കാ​ര​ത്തെ മ​റി​ക​ട​ക്കാ​നാ​വി​ല്ല. ധ​ന​ക​മീ​ഷ​ൻ ശി​പാ​ർ​ശ​പ്ര​കാ​രം വി​പ​ണി​യി​ൽ​നി​ന്ന് ക​ടം വാ​ങ്ങാ​ൻ കേ​ര​ള​ത്തി​ന് അ​ധി​കാ​ര​മു​ണ്ട്. കേ​ന്ദ്ര സ​ർ​ക്കാ​റി​ന് അ​തി​ന് ത​ട​യി​ടാ​നാ​വി​ല്ല. ക​ടം ത​രു​ന്ന​വ​രാ​ണ് എ​ത്ര വാ​ങ്ങാ​ൻ കേ​ര​ള​ത്തി​ന് ക​ഴി​യു​മെ​ന്ന് തീ​രു​മാ​നി​ക്കേ​ണ്ട​ത്. ഒ​രു സം​സ്ഥാ​നം ക​ട​മെ​ടു​പ്പ് പ​രി​ധി​യോ അ​ധി​ക ക​ട​മെ​ടു​പ്പ് പ​രി​ധി​യോ പൂ​ർ​ണ​മാ​യും ഉ​പ​യോ​ഗി​ച്ചി​ല്ലെ​ങ്കി​ൽ 2025 വ​രെ​യു​ള്ള നാ​ലു വ​ർ​ഷ​ത്തി​നു​ള്ളി​ൽ അ​തും​കൂ​ടി എ​ടു​ക്കാ​മെ​ന്ന് ധ​ന​ക​മീ​ഷ​ൻ വ്യ​ക്ത​മാ​ക്കി​യ​താ​ണ്. കേ​ര​ള​ത്തി​ന് ക​ട​ത്തി​ന് അ​ർ​ഹ​ത​യു​ണ്ട്. 24,000 കോ​ടി​യാ​ണ് അ​ർ​ഹ​ത​പ്പെ​ട്ട​ത്. അ​താ​ണ് ചോ​ദി​ക്കു​ന്ന​ത്. എ​ങ്കി​ലും ഇ​​പ്പോ​ൾ 10,000 കോ​ടി മാ​ത്ര​മാ​ണ് ആ​വ​ശ്യ​പ്പെ​ടു​ന്ന​ത്.

ഏ​തെ​ങ്കി​ലും സം​സ്ഥാ​നം ക​ട​മെ​ടു​പ്പ് പ​രി​ധി ലം​ഘി​ച്ച് നി​ശ്ചി​ത തു​ക​യി​ലും കൂ​ടു​ത​ൽ ക​ടം വാ​ങ്ങി​യാ​ൽ തൊ​ട്ട​ടു​ത്ത വ​ർ​ഷം ആ ​തു​ക​യി​ൽ കു​റ​വ് വ​രു​ത്താ​മെ​ന്ന​താ​ണ് ധ​ന ക​മീ​ഷ​ൻ വ്യ​വ​സ്ഥ. വി​ദ​ഗ്ധ സ​മി​തി​ക്കി​ല്ലാ​ത്ത അ​ഭി​പ്രാ​യം കേ​ന്ദ്ര​ത്തി​ന് എ​വി​ടെ​നി​ന്ന് കി​ട്ടി? ക​ട​ത്തി​നു​ള്ള ഉ​പ​യോ​ഗി​ക്കാ​ത്ത അ​വ​കാ​ശ​വും അ​ധി​ക ക​ട​മെ​ടു​പ്പി​നു​ള്ള അ​വ​കാ​ശ​വും ത​മ്മി​ൽ വ്യ​ത്യാ​സ​മി​ല്ലേ എ​ന്ന് സു​പ്രീം​കോ​ട​തി ചോ​ദി​ച്ച​പ്പോ​ൾ ഇ​ല്ലെ​ന്ന് സി​ബ​ൽ മ​റു​പ​ടി പ​റ​ഞ്ഞു. കേ​ര​ളം അ​ന്തി​മ വാ​ദം പൂ​ർ​ത്തി​യാ​ക്കി​യ വ്യാ​ഴാ​ഴ്ച കേ​ന്ദ്ര​ത്തി​നു​വേ​ണ്ടി അ​ഡീ​ഷ​ന​ൽ സോ​ളി​സി​റ്റ​ർ ജ​ന​റ​ൽ വെ​ങ്കി​ട്ട രാ​മ​ൻ വാ​ദം തു​ട​ങ്ങി​വെ​ച്ചു. കേ​ന്ദ്ര​ത്തി​ന്റെ വാ​ദം വെ​ള്ളി​യാ​ഴ്ച തീ​ർ​ത്ത് കേ​സ് വി​ധി പ​റ​യാ​ൻ മാ​റ്റി​വെ​ച്ചേ​ക്കും.