തൃക്കരുവയിലെ രൂക്ഷമായ കുടിവെള്ളക്ഷാമം!, വാട്ടർ അതോറിറ്റി ഉദ്യോഗസ്ഥരെ ഉപരോധിച്ച് ബിജെപി പ്രവർത്തകർ

തൃക്കരുവ : വാട്ടർ അതോറിറ്റി ഉദ്യോഗസ്ഥരെ ഉപരോധിച്ച് ബിജെപി പ്രവർത്തകർ. തൃക്കരുവ പഞ്ചായത്തിലെ വിവിധ  വാർഡുകളിൽ രൂക്ഷമായ കുടിവെള്ളക്ഷാമം പരിഹരിക്കണമെന്നും ജലജീവൻ മിഷൻ പദ്ധതി രണ്ടാംഘട്ടം ഉടൻതന്നെ ആരംഭിക്കണമെന്നും ആവശ്യപ്പെട്ടുകൊണ്ട് ബിജെപി പഞ്ചായത്ത് ഏരിയ പ്രസിഡന്റ് അജയൻ മകരവിളക്കിന്റെ നേതൃത്വത്തിൽ പ്രവർത്തകർ വാട്ടർ അതോറിറ്റി അസിസ്റ്റന്റ് എൻജിനീയറെയും അസിസ്റ്റന്റ് എക്സിക്യൂട്ടീവ് എൻജിനീയറുടെയും ഓഫീസ് ഉപരോധിച്ചത്. ഒരാഴ്ചയ്ക്കുള്ളിൽ ജലജീവ മിഷന്റെ രണ്ടാം ഘട്ടം ആരംഭിക്കുമെന്ന് എ.എക്സ്.ഇ ഉറപ്പുനൽകിയതായി ബി.ജെ.പി പ്രവർത്തകർ പറഞ്ഞു. പതിമൂന്നാം വാർഡിലെ കുഴൽ കിണർ ഉടൻതന്നെ പണിപൂർത്തീകരിക്കും എന്നും എ.ഇ ഉറപ്പ് നൽകിയതായും പ്രവർത്തകർ വ്യക്തമാക്കി. തൃക്കടവൂർ മണ്ഡലം സെക്രട്ടറി സന്തോഷ് സരോവരം, ജനറൽ സെക്രട്ടറി അനിൽ പ്രഭ,,വാർഡ് മെമ്പർ മഞ്ജു ആലയത്ത്, ഏരിയ വൈസ് പ്രസിഡന്റ് കൃഷ്ണകുമാർ ഗോസ്തല കാവ്, ഒബിസി മോർച്ച ഏരിയ പ്രസിഡന്റ്  ശ്യാം എന്നിവർ ഉപരോധത്തിന് നേതൃത്വം നൽകി