അഷ്ടമുടി കായലിൽ ഇറങ്ങുന്നവർ കരുതിയിരിക്കണം...!, സൂക്ഷിച്ചാൽ ദുഃഖിക്കേണ്ട

അവധിക്കാലമാകുന്നതോടെ പല ദേശങ്ങളിൽ നിന്നായി ആളുകൾ അഷ്ടമുടി കായലിന്റെ വിവിധ കോണുകളിലേക്ക് എത്തും നീന്തി കളിക്കാനും ഉന്മാദമായ അവധിക്കാലം ആഘോഷിക്കാനുമാണ് ആ വരവ്. ഇങ്ങനെ എത്തുന്നവർ പലപ്പോഴും സുരക്ഷാ മാനദണ്ഡങ്ങൾ പാലിക്കാതെയാണ് കായലിലേക്ക് എടുത്തുചാടുന്നത്. അഷ്ടമുടി കായലിലെ അപകട കെണികളിൽ പെട്ടുപോയാൽ തിരിച്ചുവരിക അസാധ്യമാണ്. സാധാരണഗതിയിൽ തൃക്കരുവയുടെ ഭ്രാന്ത പ്രദേശങ്ങളിൽ ഇത്തരം അപകടങ്ങൾ കുറവാണെങ്കിലും ഈയിടെയായി കുട്ടികൾ ബോട്ടുജെട്ടിക്കും സമീപത്തുമായി നീന്തൽ പതിവാണെന്നും മഴയെയും കാറ്റിനെയും വകവയ്ക്കാതെയാണ് ഇവരുടെ പരിശീലനം എന്നും നാട്ടുകാർ പറയുന്നു. കുട്ടികൾ നീന്തിരസിക്കുന്നതിന് ആരും എതിരല്ല പക്ഷേ ഒരു അപകടം പറ്റിയാൽ എന്താകും സ്ഥിതി എന്നാണ് അവർ ചോദിക്കുന്നത്.

കാലാവസ്ഥാ വ്യതിയാനം അഷ്ടമുടി കായലിന്റെ അപകട കെണികളെ വർധിപ്പിച്ചിട്ടുണ്ട്. മാത്രമല്ല സുരക്ഷാ മുൻകരുതലുകൾ യാതൊന്നുമില്ലാതെ ഇങ്ങനെ ഇറങ്ങുന്നത് വഴി അപകടം അറിഞ്ഞുകൊണ്ട് ക്ഷണിച്ചുവരുത്തുകയാണെന്നും മത്സ്യത്തൊഴിലാളികൾ പറയുന്നു. ബോട്ട് ജെട്ടിക്ക് അടിയിൽ കൂടി നീന്തി സാഹസം കാട്ടുന്നതും സുഹൃത്തുമായി തോളിൽ കയ്യിട്ടു നീന്തുന്നതും സുഹൃത്തുക്കൾക്കിടയിൽ ഹീറോ പരിവേഷം ലഭിച്ചേക്കാവുന്ന സംഗതി ആണെങ്കിലും അത് അത്ര നല്ലതാണോ എന്ന് സ്വയം ചിന്തിക്കേണ്ടതുണ്ട്. പഴയ sയറിൻറെ ട്യൂബ്മായും വലിയ പ്ലാസ്റ്റിക് കന്നാസുകളുമായും അല്ലെങ്കിൽ ഗുണമേന്മയുള്ള മറ്റെന്തെങ്കിലും സുരക്ഷാ മുൻകരുതലുകൾ ഇത്തരക്കാർ സ്വീകരിക്കേണ്ടതുണ്ട് അപകടമുണ്ടാകുമ്പോൾ രക്ഷിക്കാൻ സുഹൃത്തുക്കൾ ഉണ്ട് എന്ന് കരുതുന്നതിൽ തെറ്റി.ല്ല പക്ഷേ അവർക്ക് ആയില്ലെങ്കിൽ മറ്റെന്താണ് രക്ഷാമാർഗ്ഗം എന്ന് ചിന്തിക്കേണ്ടുന്നത് വിവേകമാണ്. അപ്പോൾ ഇപ്പോൾ സൂക്ഷിച്ചാൽ ദുഃഖിക്കേണ്ട.