രണ്ടുപതിറ്റാണ്ടിനിടെ രാജ്യത്ത് നഷ്ടമായത് 23.3 ലക്ഷം ഹെക്ടര്‍ വനഭൂമി...!, ഇന്ത്യയുടെ സ്വാഭാവിക വനത്തിൻ്റെ 95 ശതമാനവും നശിച്ചതായി കണ്ടെത്തി പഠന റിപ്പോർട്ട്, നഷ്ടമായ വന വിസ്തൃതി 'മേഘാലയ' സംസ്ഥാനത്തെക്കാളും അധികം

ന്യൂഡല്‍ഹി : രണ്ടുപതിറ്റാണ്ടിനിടയില്‍ ഇന്ത്യക്ക് നഷ്ടപ്പെട്ടത് 23.3 ലക്ഷം ഹെക്ടര്‍ (23,300 ചതുരശ്ര കിലോമീറ്റര്‍) വനഭൂമി. ആഗോള പരിസ്ഥിതിസംഘടനയായ ഗ്ലോബല്‍ ഫോറസ്റ്റ് വാച്ചിന്റെ പഠനറിപ്പോര്‍ട്ടിലാണ് കണ്ടെത്തല്‍. 2001-2023 കാലഘട്ടത്തിലാണ് ഇത്രയധികം വനഭൂമി ഇന്ത്യയ്ക്ക് നഷ്ടമയാത്. ാജ്യത്തിന് നഷ്ടമായ വനത്തിന്റെ വിസ്തൃതി മേഘാലയ സംസ്ഥാനത്തെക്കാളും വലിപ്പം വരും.

2010-നും 2020-നുമിടെ 2.66 ലക്ഷം ഹെക്ടര്‍ വനഭൂമി (2660 ചതുരശ്ര കിലോമീറ്റര്‍) രാജ്യത്ത് കൂടിയെന്ന് ഫോറസ്റ്റ് സര്‍വേ ഓഫ് ഇന്ത്യയുടെ അവകാശവാദത്തെ തള്ളുന്നതാണ് കണ്ടെത്തല്‍. തുടര്‍ന്ന് കഴിഞ്ഞ മേയില്‍ ദേശീയ ഹരിത ട്രിബ്യൂണല്‍ കേന്ദ്ര വനം-പരിസ്ഥിതി മന്ത്രാലയത്തോട് വിശദീകരണംതേടി. മറുപടി ഇനിയും കിട്ടിയില്ലെന്നാണ് വിവരം.

സ്വാഭാവിക വനത്തില്‍ 95 ശതമാനം വനനശീകരണവും ഇക്കാലയളവില്‍ സംഭവിച്ചു. 2019-നെ അപേക്ഷിച്ച് 1.54 ലക്ഷം ഹെക്ടര്‍ വനഭൂമി വര്‍ധിച്ചെന്ന് 2021-ല്‍ ഫോറസ്റ്റ് സര്‍വേ ഓഫ് ഇന്ത്യ പുറത്തുവിട്ട കണക്കുകള്‍ സൂചിപ്പിക്കുന്നു.