ലോഡ്ജിലും മറ്റിടങ്ങളിലും കൊണ്ടുപോയി പീഡനത്തിനിരയാക്കി...!, മനുഷ്യക്കടത്ത് കേസിൽ ഒളിവിലായിരുന്ന യുവാവിൻ്റെ അറസ്റ്റ് വിവാഹ വാഗ്ദാനം നൽകി പീഡിപ്പിച്ചെന്ന പരാതിയിൽ, പോലീസ് നീക്കത്തിൽ പിടിയിലായത് കൊല്ലം സ്വദേശി

എറണാകുളം : ആലുവയിൽ സോഷ്യൽ മീഡിയയിലൂടെ പരിചയപ്പെട്ട പെൺകുട്ടിയെ വിവാഹ വാഗ്ദാനം നൽകി പീഡനത്തിനിരയാക്കിയതായ പരാതിയിൽ യുവാവ് പിടിയിൽ. കൊല്ലം ഇടവട്ടം വള്ളിമൺ രഞ്ജിനി ഭവനിൽ പ്രണവ് പ്രകാശിനെ (24) ആണ് ആലുവ പൊലീസ് അറസ്റ്റ് ചെയ്തത്. ആലുവയിലെ ലോഡ്ജിലും മറ്റിടങ്ങളിലും കൊണ്ടുപോയി പീഡിപ്പിച്ചെന്നാണ് കേസ്. കേസെടുത്തതറിഞ്ഞ് ഇയാൾ ഒളിവിൽപ്പോയി.

ഒളിവിൽ കഴിയുന്ന ഘട്ടത്തിൽ ഫോൺ ഉപയോഗിക്കാതിരുന്ന പ്രതിയെ പിടികൂടുക വെല്ലുവിളി നിറഞ്ഞ ദൗത്യമായിരുന്നു. ഒടുവിൽ ശാസ്ത്രീയ അന്വേഷണത്തിലൂടെ ബംഗളുരുവിൽ നിന്നാണ് യുവാവിനെ പിടികൂടിയത്. കൊല്ലം ഈസ്റ്റ് പൊലീസ് രജിസ്റ്റർ ചെയ്ത മനുഷ്യക്കടത്ത് കേസിലും ഇയാൾ ഉൾപ്പെട്ടിട്ടുണ്ട്. ഈ കേസിലും ഒളിവിലായിരുന്നു. ഡിവൈ.എസ്.പി ടി.ആർ. രാജേഷിന്റെ നേതൃത്വത്തിൽ ഇൻസ്‌പെക്ടർ എം.എം. മഞ്ജു ദാസാണ് അറസ്റ്റ് ചെയ്തത്. പ്രതിയെ റിമാൻഡ് ചെയ്തു.